Sigma Geminorum (σ Gem / 75 Geminorum / HD 62044 / HR 2973)Sigma Geminorum - Variable of RS CVn type (SIMBAD) ye una estrella de magnitú aparente +4,23 na constelación de Xéminis. Ye una xigante naranxa de tipu espectral K1IIIb y 4600 K de temperatura efectivo. Relluma con una lluminosidá equivalente a 34 soles y tien un radiu 9,3 vegaes más grande que'l radiu solar. Probablemente ye una xigante de baxa masa, alredor de 1,5 mases solares. Alcuéntrase a 122 años lluz del Sistema Solar.
Sigma Geminorum ye una estrella variable del tipu RS Canum Venaticorum. Tien una acompañante bien próxima —posiblemente una nana de tipu G o K— a una distancia de namái 0,2 UA de la estrella principal que completa una órbita cada 19,605 díes. La rotación de la xigante naranxa ta sincronizada col periodu orbital de la compañera, xirando más apriesa de lo habitual —la so velocidá de rotación nel ecuador ye ente 22 y 27 km/s—. Ello xeneró una gran actividá magnética na estrella xigante naranxa; hasta'l 30% de la so superficie ta cubierta de grandes manches estelares, que pueden ser análogues a les del Sol, pero de tamaños descomanaos, de forma que cuando xira la estrella'l so rellumu varia. Coles mesmes, ye una de les fontes más importantes de rayos X según una radiofuente notable.Sigma Geminorum (Stars, Jim Kaler)
Referencies
Categoría:Estrelles Categoría:Xigantes naranxes Categoría:Estrelles binaries Categoría:Estrelles variables Categoría:Variables RS Canum Venaticorum Categoría:Constelación de Xéminis