Tau Coronae Borealis (τ CrB / 16 Coronae Borealis)Tau CrB -- Variable Star (SIMBAD) ye una estrella na constelación de Corona Boreal de magnitú aparente +4,76. Alcuéntrase a 113 ± 3 años lluz de distancia del Sistema Solar.
Tau Coronae Borealis ye una xigante o subxigante naranxa de tipu espectral K1III-IV. Con una temperatura efectivo de 4808 ± 23 K, relluma con una lluminosidá 16 vegaes mayor que la lluminosidá solar. Tien un diámetru 6 vegaes más grande que'l del Sol, lo que ta acordies cola so clasificación entemedia ente xigante y subxigante. Xira amodo sobre sigo mesma, con una velocidá de rotación proyeutada de 1,0 km/s. Presenta una metalicidá —bayura relativa d'elementos más pesaos que'l heliu— daqué más baxa que la solar ([Fe/H] = -0,07).
D'alcuerdu al Bright Star Catalogue,Tau Coronae Borealis (The Bright Star Catalogue) Tau Coronae Borealis comparte movimientu propiu con una tenue estrella de magnitú +13,2 que la so separación visual ye de 2,2 segundos d'arcu; apaez clasificada como probable binaria astrométrica presumiblemente de llargu periodu. Coles mesmes, esiste cierta evidencia de que Tau Coronae Borealis puede ser tamién una binaria espectroscópica, polo que podría ser un sistema estelar triple.
Referencies
Categoría:Estrelles Categoría:Xigantes naranxes Categoría:Estrelles binaries Categoría:Constelación de Corona Borealis