U Centauri (U Cen / HD 109231 / HIP 61286)V* U Cen -- Variable Star of Mira Cet type (SIMBAD) ye una estrella variable na constelación de Centauru. Ye una estrella alloñada, que la so distancia respectu al Sistema Solar nun pudo ser determinada con precisión; diverses fontes dan una cifra entendida ente 1115 y 3550 años lluz.
U Centauri ye una xigante colorada lluminosa de tipu espectral M3.5IIe. Tien una baxa temperatura superfical de 3285 K y la so lluminosidá ye 226 vegaes superior a la lluminosidá solar. Anque la so masa nun ye bien conocida, el valor más probable ye de 0,9 mases solares. Nun ye una estrella de carbonu, siendo la so rellación C/O inferior a la unidá.
U Centauri ye una variable Mira que'l so rellumu bazcuya ente magnitú +7,0 y +14,0 a lo llargo d'un periodu de 220,28 díes.U Centauri (General Catalogue of Variable Stars) Nestes variables —ente les que se cunten Mira (ο Ceti) y R Centauri— la inestabilidá provién de pulsaciones na superficie estelar, lo que provoca cambeos de color y rellumu. Nun futuru non bien alloñáu, U Centauri va espulsar les sos capes esteriores creando una nebulosa planetaria, quedando'l nucleu remanente como una nana blanca.
Ver tamién Llista d'estrelles variables
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables Mira Categoría:Constelación de Centaurus