WR 136 (V1770 Cygni / HD 192163 / HIP 99546)HD 192163 -- Wolf-Rayet Star (SIMBAD) ye una estrella na constelación de Cygnus, el cisne, de magnitú aparente +7,48, asitiada nel centru de la Nebulosa Medialluna. Alcuéntrase a unos 4110 años lluz (1260 pársecs) de distancia del Sistema Solar.
WR 136 ye una estrella de Wolf-Rayet de tipu espectral WN6 con una lluminosidá 500.000 vegaes superior a la del Sol. Tien una temperatura superficial de 73.000 K. La so edá envalórase en namái 4,5 millones d'años, una milésima parte de la edá del Sol, pero yá s'atopa nes fases finales de la so evolución estelar. Enantes foi una superxigante colorada con una masa 30 vegaes mayor que la del Sol y hai unos 250.000 años espulsó les sos capes esteriores.WR 136. Jumk.de/astronomie Agora, na so fase como estrella de Wolf-Rayet, el material que foi expelido ye algamáu pol fuerte vientu estelar que surde de la estrella y calecíu, polo que resplande nuevamente, formando la nebulosa d'emisión. La estrella pierde masa bien apriesa, l'equivalente a la masa solar cada 10.000 años.Hubble Watches Star Tear Apart its Neighborhood. Hubblesite Envalórase que nunos 100.000 años —si inda ye abondo masiva— va esplotar como una supernova.First Sign of Impending Stellar Catastrophe. Space.com
Apocayá propúnxose que WR 136 pue ser una estrella binaria. La so compañera, de tipu espectral K ó M, emplegaría daqué más de 5 díes en completar una órbita alredor de la estrella principal, siendo en tal casu'l sistema un posible precursor d'una binaria de rayos X de baxa masa (LMXB n'inglés).
Referencies
Categoría:Estrelles Categoría:Estrelles de Wolf-Rayet Categoría:Constelación de Cygnus