Xi Cygni (ξ Cyg / 62 Cygni / HD 200905)Xi Cygni (SIMBAD) ye una estrella de la constelación de Cygnus. La so magnitú aparente ye +3,72, y alcuéntrase a aproximadamente 1200 años lluz de distancia del Sistema Solar.
Xi Cygni ye una superxigante naranxa de tipu espectral K4.5 con una temperatura superficial de 4007 K. Con un radiu 200 vegaes mayor que'l del Sol, equivalente a 1 UA, si topar nel centru del Sistema Solar la so superficie llegaría hasta la órbita terrestre. La so velocidá de rotación foi midida —alredor de 3,4 km/s—, magar ésti ye una llende inferior al desconocese l'enclín del so exa de rotación al respective de la Tierra. Dau l'enorme tamañu de la estrella, emplega siquier 8 años en completar una vuelta. La so bayura en metales ye baxa, siendo'l so conteníu en fierro —en rellación al hidróxenu— malapenes un 35% de la solar. Ye 9400 vegaes más lluminosa que'l Sol y la so masa envalórase ente 8 y 10 mases solares.Xi Cygni (Stars, Jim Kaler)
Empezando la so vida como una estrella de tipu B1 de la secuencia principal hai 30 millones d'años, ta yá próximu'l términu de los sos díes como una nana blanca masiva o esplotando como una supernova, pos la so masa ta na llende ente unu o otru desenllaz.
Referencies
Categoría:Estrelles Categoría:Superxigantes Categoría:Constelación de Cygnus