YZ Canis Minoris (YZ CMi / GJ 285 / HIP 37766 / LHS 1943) ye una estrella asitiada na constelación de Canis Minor. Tien magnitú aparente +11,40, polo que nun ye visible a simple vista. Alcuéntrase a pocu más de 19 años lluz del Sistema Solar. El so máximu acercamientu a la Tierra socedió fai 161.000 años, cuando pasó a una distancia de 10 años lluz.YZ Canis Minoris. Extended Hipparcos Compilation (XHIP) (Anderson+, 2012)
YZ Canis Minoris ye una nana colorada de tipu espectral M4.5VeYZ Canis Minoris (SIMBAD) con una temperatura superficial de 2975 K. Tien una lluminosidá bolométrica de 0,03 soles y la so masa equival al 28% de la que tien el Sol. Con un radiu aproximadamente igual al 30% del radiu solar, xira sobre sigo mesma con una velocidá de rotación proyeutada de 6,5 km/s. El so conteníu metálico ye asemeyáu al del Sol ([Fe/H] = +0,07). Tien un fuerte fluxu magnético superficial, superior a 3900 G.
YZ Canis Minoris ye una estrella variable miembru al empar de los grupos UV Ceti —estrelles acandilantes— y BY Draconis.YZ Canis Minoris (General Catalogue of Variable Stars) Como estrella acandilante ye similar a otres nanes coloraes de la nuesa redolada, como Proxima Centauri o la mesma UV Ceti, y foi estudiada profusamente. Les erupciones d'estrelles acandilantes na rexón de rayos X fueron detectaes per primer vegada en 1975 estudiando YZ Canis Minoris y UV Ceti. Como variable BY Draconis amuesa variaciones na so lluminosidá acomuñaes a la rotación de la estrella, por cuenta de la esistencia de manches na so superficie o otru tipu d'actividá cromosférica. El so periodu de variación de 2,781 díes.
Les sos vecines más próximes son dos nanes coloraes, Ross 619, a 3,99 años lluz, y la Estrella de Luyten, a 7,07 años lluz de distancia.Stars within 15 light-years of YZ Canis Minoris (The internet Stellar Database)
Referencies
Categoría:Estrelles Categoría:Nanes coloraes Categoría:Estrelles variables Categoría:Variables BY Draconis Categoría:Estrelles acandilantes Categoría:Constelación de Canis Minor