Mary Carver foi una actriz teatral, cinematográfica y televisiva d'Estaos Xuníos, con una carrera que s'enllargó a lo llargo de más de sesenta años. Fízose sobre manera conocida pol so papel de la matriarca Cecilia Simon na serie televisiva de la CBS Simon & Simon, que protagonizaben Gerald McRaney y Jameson Parker interpretando a dos hermanos detectives. Carver actuó en 153 episodios de Simon & Simon ente 1981 y 1989, a lo llargo d'ocho temporaes. Amás d'actuar, Carver dio clases nel departamentu de teatru de la Universidá del Sur de California.
Biografía El so verdaderu nome yera Mary Carvellas, y nació en Los Angeles, California, siendo los sos padres John Carvellas y Carmen Delmar.
Como actriz teatral, Carver intervieno nel circuitu de Broadway na producción Out West of Eighth en 1951, en The Shadow Box en 1977, y en Fifth of July nos años 1980.
Ente los llargumetraxes nos qu'actuó figuren From Here to Eternity (1953), Pay or Die (1960), Nunca te prometí un xardín de roses (1977), Protocol (1984), Best Seller (1987), Aracnofobia (1990), y Safe (1995).
Carver trabayó tamién en numberoses producciones televisives, ente elles Simon & Simon, The Donna Reed Show, ER, The Guardian, Gunsmoke, Lou Grant, Lux Video Theatre, The Man from UNCLE, Mannix, Mary Hartman, Mary Hartman, McCloud, Quincy, M.E., The Rockford Files, Star Trek: Enterprise, y The Twilight Zone.
Mary Carver finó na so casa en Woodland Hills, California, en 2013, a los 89 años d'edá. Sobreviviéron-y el so dos fíos, Athena y Lia Sargent, esta postrera una destacada actriz de voz.
Seleición de la so filmografía 1953: From Here to Eternity 1956–1963: Gunsmoke, serie TV, cuatro episodios 1959: The Wild and the Innocent 1960: Pay or Die 1963: The Twilight Zone, serie TV, un episodiu 1966: The Man from UNCLE, serie de TV, un episodiu 1967: The Virginian, serie TV, un episodiu 1972: Mannix (serie TV, un episodiu) 1974: McCloud, serie TV, un episodiu) 1977: The Rockford Files, serie TV, un episodiu) 1977: Nunca te prometí un xardín de roses 1978: Lou Grant (serie TV, un episodiu) 1978–1983: Quincy M.E., serie TV, tres episodios) 1981–1989: Simon & Simon (serie TV, 109 episodios) 1984: Protocol 1990: Aracnofobia 1995: Simon & Simon: In Trouble Again (telefilme) 2001: Star Trek: Enterprise (serie TV, un episodiu) 2002: ER (serie TV, un episodiu)
Actuaciones teatrales en Broadway 1951: Out West of Eighth 1977: The Shadow Box 1980–1982: Fifth of July
Referencies
Enllaces esternos
Carver en www.allmovie.com Mary Carver en filmreference.com www.synchronkartei.de
Categoría:Actores y actrices d'Estaos Xuníos Categoría:Persones de Los Angeles