Colombia, oficialmente República de Colombia, ye un país asitiáu na fastera noroccidental d'América del Sur, lo que la fai poseedora de costes nos océanos Atlánticu (mar Caribe), Pacíficu y el ríu Amazones.
Llenda con Venezuela al este, Brasil al sureste, Perú y Ecuador al sur, y Panamá al oeste.
Política y gobiernuLos datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
Organización política La Constitución colombiana, aprobada'l 5 de xunetu de 1991, define al país como un Estáu social de derechu organizáu como una república xunitaria, descentralizada, con autonomía de los sos territorios, democrática, participativa y pluralista.
El poder executivu correspuénde-y al presidente de la república. Esti ye elixíu por sufraxu direutu pa un mandatu de cuatro años, y puede presentase a la reeleición namái una vez na so vida. El presidente ye'l xefe del estáu, xefe del gobiernu y comandante en xefe de les Fuercies Armaes.
El poder llexislativu ta nes manes del Congresu, una institución bicameral compuesta pol Senáu y la Cámara de Representantes. Los sos miembros, 102 senadores y 165 representantes, son elixíos cada cuatro años.
No que cinca al poder xudicial, los sos muérganos cimeros son: la Corte Constitucional; el Conseyu d'Estáu, que fai les veces de tribunal contencioso-alministrativu; la Corte Suprema de Xusticia, que ye'l tribunal de casación y tamién l'únicu que puede xulgar a los cargos públicos aforaos; y el Conseyu Superior de la Xudicatura.
Gobiernu El presidente del país ye, dende'l 7 d'agostu del 2018, Iván Duque Márquez. La so vicepresidente ye Marta Lucía Ramírez. El presidente de la Cámara de Representantes ye Alejandro Carlos Chacón, y el del Senáu Ernesto Macías Tovar.
Partíos políticos y sindicatos Los principales partíos políticos del país son: Partíu Lliberal (PL). El so presidente ye César Gaviria Trujillo. Partíu Comunista de Colombia (PCC). El so secretariu xeneral ye Jaime Caycedo. Partíu Conservador Colombianu (PC). El so presidente ye Efraín Cepeda Sarabia. Polu Democráticu Alternativu (PDA). La so presidenta ye Jaime Dussán. Partíu Social d'Unidá Nacional (Partido de la U). El so direutor ye Juan Lozano. Partíu Verde. Partíu Colombia Humana.
No que cinca a los sindicatos, los más representativos son: Central Unitaria de Trabayadores (CUT), presidida por Tarsicio Mora. Confederación Xeneral del Trabayu (CGT), que'l so secretariu xeneral ye Julio Roberto Gómez. Unión Sindical Obrera (USO), presidida por César Loza. Federación Nacional de Trabayadores al Serviciu de l'Estáu (Fenaltrase), presidida por Roberto Chamucero.
Historia
Xeografía
Xeografía política
thumb|250px|Departamentos de Colombia. thumb|250px|Conceyos de Colombia. Según la Constitución de 1991, Colombia dixébrase en 32 departamentos y un únicu distritu capital (Bogotá).
#DepartamentuCapital1AmazonasLeticia2AntioquiaMedellín3AraucaArauca4AtlánticoBarranquilla5BolívarCartagena de Indias6BoyacáTunja7CaldasManizales8CaquetáFlorencia9CasanareYopal10CaucaPopayán11CesarValledupar12ChocóQuibdó13CórdobaMontería14CundinamarcaBogotá15GuainíaPuerto Inírida16GuaviareSan José del Guaviare17HuilaNeiva
#DepartamentoCapital18La GuajiraRiohacha19MagdalenaSanta Marta20MetaVillavicencio21NariñoSan Juan de Pasto22Norte de SantanderCúcuta23PutumayoMocoa24QuindíoArmenia25RisaraldaPereira26San Andrés y ProvidenciaSan Andrés27SantanderBucaramanga28SucreSincelejo29TolimaIbagué30Valle del CaucaCali31VaupésMitú32VichadaPuerto Carreño Distritu Bogotá, Distritu Capital
DemografíaLos datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/ La población del país ye, según la proyeición pal añu 2011 del Departamento Administrativo Nacional de Estadística, de 46.044.601 habitantes. No que cinca a la so adscripción étnica, según el censu de 2005 nel país había un 10,6% d'afrocolombianos, un 3,4% d'indíxenes amerindios y un 0,01% de rom. Esi censu nun da adscripción étnica denguna al 85,94% sobrante de la población.
Les principales ciudaes del país, según la citada proyeición, son:
CiudáPoblaciónSantafé de Bogotá7.467.804Medellín2.368.282Cali2.269.653Barranquilla1.193.667Cartagena de Indias955.709
Referencies
Enllaces esternos
Gobiernu de Colombia Presidencia de la República Bancu de la República Departamento Administrativo Nacional de Estadística
*