Edward Mayne Ellis foi un actor teatral y cinematográficu d'Estaos Xuníos, conocíu sobre manera poles sos actuaciones en The Thin Man, filme nel que fixo'l papel del títulu, y A Man to Remember.
Biografía El so nome completu yera Edward Mayne Ellis, y nació en Coldwater, Michigan, siendo'l segundu fíu de Edward C. Ellis, un dramaturgu y actor, y Ruth McCarthy Ellis, una actriz. La so hermana mayor yera l'actriz teatral y escritora Edith Ellis.
El so debú como actor teatral tuvo llugar en 1879 en Chicago, y la so primer actuación como adultu llegó en 1905 cola obra Mary and John. A lo llargo de la so carrera teatral viaxó polos Estaos Xuníos, actuando, componiendo y produciendo obres pal circuitu de Broadway, y actuando tamién n'Inglaterra. Ente les obres escrites por él figura la pieza de 1934 Affair of a Gentleman.
Nel cine interpretó principalmente papeles de repartu, siendo los sos únicos primeros personaxes los qu'encarnó en Main Street Lawyer (1939), A Man to Remember (1938) y Three Sons (1939), una versión del filme de Lionel Barrymore Sweepings (1933). En total trabayó en 38 películes, pero quiciabes ye más recordáu pol so papel de xérif en Fury, el de tíu de Shirley Temple en Little Miss Broadway y el papel principal de A Man to Remember. Tamién foi conocíu'l so papel de Clyde Wynant nel ésitu protagonizáu por William Powell en 1934 para Metro Goldwyn Mayer The Thin Man. La so última actuación cinematográfica tuvo llugar en The Omaha Trail (1942), como Mr. Vane.
Ellis tuvo de volao casáu cola actriz Josephine Stevens dende 1917 hasta mediaos los años 1920. Tuvieron un fíu, Robert (Bobbie) Ellis, nacíu en 1918.http://immortalephemera.com/24987/1112-edward-ellis/ Edward Ellis finó en 1952 por causa de un infartu agudu de miocardiu en Beverly Hills, California. Tenía 81 años d'edá.
Filmografía
The Law That Failed (1917) The Great Bradley Mystery (1917) Out Yonder (1919) Frontier of the Stars (1921) I Am a Fugitive From a Chain Gang (1932) Girl Missing (1933) Strictly Personal (1933) After Tonight (1933) From Headquarters (1933) Hi, Nellie! (1934) The Ninth Guest (1934) The Trumpet Blows (1934) The Last Gentleman (1934) The President Vanishes (1934) The Thin Man (1934) Transient Lady (1935) Village Tale (1935) Wanderer of the Wasteland (1935) The Return of Peter Grimm (1935)
Chatterbox (1936) Winterset (1936) Fury (1936) The Texas Rangers (1936) The Lady Consents (1936) Maid of Salem (1937) Let Them Live (1937) The Man in Blue (1937) Midnight Madonna (1937) Little Miss Broadway (1938) A Man to Remember (1938) Man of Conquest (1939) Career (1939) Three Sons (1939) Main Street Lawyer (1939) A Man Betrayed (1941) The Omaha Trail (1942)
Referencies
Enllaces esternos
Categoría:Persones de Michigan Categoría:Actores y actrices de cine mudu