Kimberly A. Botfield , conocida como Chelsea Field, ye una actriz norteamericana. Ye quiciabes mayormente conocida pol so papel de Teela na película Masters del Universu, anque les carauterístiques físiques d'ella en realidá nun coincidan col personaxe de la serie animada He-Man y los masters del universu.
Carrera Nos sos principios apaeció como una baillarina nel show de televisión Solid Gold en 1983. Principalmente empecipió en pequeños papeles en películes como Perfeición y Commando. Tamién apaeció en series de televisión como Llobu del aire, Treintaytantos y Nightingales. Èsta última surde a raìz de la película de televisión homónima producida en 1988 onde interpreta a Sam, una moza prauticante d'enfermera que nes nueches bailla nun club y qu'amás ta tratando de recuperar a la so fía que ta so la custodia de la so madre, quién nun-y dexa ver a la neña.
En 1987 finalmente protagoniza la película Amos del Universu al llau del actor suecu Dolph Lundgren. Darréu continua protagonizando cintes de la corte d'aición como Prison, The Last Boy Scout y Harley Davidson and the Marlboro Man al llau de Bruce Willis, Damon Wayans, Viggo Mortensen, Mickey Rourke y Tom Sizemore.
En 1992 apaez nuna película sudafricana co-producida col Reinu Xuníu, El Demoniu del desiertu. Nésta película d'horror, interpreta a Wendy Robinson, una muyer qu'acaba de terminar col so home y que recueye a un estrañu na carretera mientres conducía al debalu y que según ella ye'l causante d'una serie de tarrecibles socesos qu'empiecen a asoceder.
Per aquellos años tamién protagonizó les películes Snapdragon, Xusticia Estrema y Los páxaros 2: El fin del mundu, actuando xunto a Pamela Anderson Scott Glenn y Lou Diamond Phillips.
Apocayá hai apaeció na película Just add water al llau de Jonah Hill, Anika Noni Rose, Dylan Walsh y Danny De Vito.
Vida personal En 1996 casóse col tamién actor Scott Bakula y hasta la fecha entá siguen casaos. Con él tien 2 fíos Wil (1995) y Owen (1999).
Filmografía 2008: Just Add Water 2001: Les llendes del silenciu 1999: NetForce (Película pa televisión) 1998: Perversión 1998: Prisión 1996: Flipper 1996: El fíu inesperáu (Película pa televisión) 1995: La muyer sospechosa 1994: Andre 1994: Los páxaros 2: El fin del mundu 1993: Snapdragon 1993: Xusticia estrema 1992: El demoniu del desiertu 1991: Duros sobre dos ruedes 1991: The Last Boy Scout 1989: Una cana al aire *1988: Nightingales 1988: Prison 1987: Los Amos del Universu (Teela) 1985: Commando 1985: Perfeición
Referencies
Enllaces esternos