Arthur Hughes foi un actor teatral, radiofónicu y cinematográficu d'Estaos Xuníos.
Biografía Nacíu en Bloomington (Illinois), como actor teatral actuó nel circuitu de Broadway en dos docenes d'obres ente 1923 y 1968, ente elles Mourning Becomes Electra (1931–32) y Elizabeth the Queen (1930–31), y nel mediu televisivu intervieno en producciones como The Dupont Show of the Week y Playhouse 90, y en dellos telefilmes na década de 1960.
Hughes foi sobre manera conocíu por encarnar a Bill Davidson nel serial radiofónicu de dilatada trayeutoria Just Plain Bill. Amás trabayó en programes de radio de fama, tales como Fu Manchu Mysteries y Mr. Keen, Tracer of Lost Persons.
Amás, Hughes trabayó nel cine, interviniendo, ente otres producciones, en The Great Gatsby (1974) y na película de Woody Allen Bananas (1971).
Hughes y Edward Pawley, dambos intérpretes de Big Town, fueron bonos amigos, compartiendo pisu nos sos primeros años en Nueva York, onde los dos actuaben en funciones de Broadway. Xuntos intervinieron nuna popular función de Broadway titulada Subway Express (1929), y Hughes foi en 1922 testigu na boda de Pawley cola so primer esposa, l'actriz teatral Martina May Martin.
Arthur Hughes finó en Nueva York en 1982.
Referencies
Enllaces esternos
Internet Broadway Database: Arthur Hughes