Jimmy Donal «Jimbo» Wales (Huntsville, Alabama; 8 d'agostu de 1966 ye un empresariu d'Internet d'Estaos Xuníos, cofundador y promotor de Wikipedia. Foi fundador, amás de Nupedia, antecesora de Wikipedia y, xunto con Tim Shell, de la empresa Bomis. Foi tamién cofundador de la empresa comercial Wikia, xunto con Angela Beesley. Graduóse nes universidaes d'Auburn y Alabama. Xunto con Larry Sanger, Wales fundó Wikipedia, una enciclopedia basada nel conceptu wiki y nel modelu de software llibre.
Wales ye presidénte eméritu de la Fundación Wikimedia,, una ONG ensin ánimu de llucru allugada en San Francisco, (California). Tien declarao que, na so mocedá, influyeron-y los llibros d'Ayn Rand y la ideoloxía californiana. http://qanda.org/Transcript/?ProgramID=1042 Demientres estudiaba na universidá, foi'l dueñu y moderador d'una llista de corréu llamada Alderique moderáu sobro filosofía oxetivista. http://rous.redbarn.org/objectivism/mail-lists.html
244px|thumb|right|Jimmy Wales navegando per Wikipedia.
Biografía Jimmy Wales nació n'Huntsville, Estaos Xuníos. El so padre, Jimmy, trabayó como alministrador d'una tienda de comestibles, mentanto que la madre, Doris, y la güela, Emma, dirixeron una escuela privada agrupada, onde Wales realizó los primeros estudios. El so cursu formábenlu él y otros cuatro neños, de mou que na so aula recibíen clas tolos alumnos de primeru a cuartu cursu y de quintu a octavu. Cuando terminó octavu, Wales asistió a la escuela Randolph School, una secundaria en Huntsville. Wales tien dicho que la escuela yera costosa pa la so familia, pero considera esa educación importante: «La educación foi siempre una pasión nel mio llar... yá sabes, el tan tradicional averamientu a la conocencia ya'l deprendimientu, y a establecer eso como una base pa una bona vida».(n'inglés) Education was always a passion in my household... you know, the very traditional approach to knowledge and learning and establishing that as a base for a good life.
Recibió'l títulu de Llicenciáu en Finances de la Universidá d'Auburn y entró nel programa de financiación del Doctoráu en Finances de la Universidá d'Alabama antes de dexala col títulu de master. Siguió los estudios gracies a un empréstamu pa sacar el títulu de Doctor en Finances de la Universidá d'Indiana. Enseñó en dambes universidaes demientres los estudios de postgrau, pero nun escribió la tesis pa finar el doctoráu, una cosa qu'él mesmu atribuye al aburrimientu.
El trabayu de Wales en Wikipedia, la enciclopedia más grande del mundu, foi'l motivu pa que la revista Time lu incluyera en 2006 na so llista de les 100 persones más influyentes del mundu, na categoría de Científicos y Pensadores.
Ver tamién
User:Jimbo Wales (páxina d'usuariu na Wikipedia n'inglés), y Usuariu:Jimbo Wales na Wikipedia n'asturianu.
Enllaces esternos
Páxina personal de Jimmy Blog de Jimmy
Referencies esternes
Notes
Categoría:Persones d'Estaos Xuníos Wales Categoría:Wikipedia:Páxines con enllaces interllingüísticos Categoría:Wikipedia:Mantenimientu:Persones ensin plantía nym Categoría:Persones de Huntsville (Alabama)