Michael Parks (n. 24 d'abril de 1940According to the State of California. California Birth Index, 1905-1995. Center for Health Statistics, California Department of Health Services, Sacramento, California. At Ancestry.com) ye un actor y cantante d'Estaos Xuníos. Apaeció en casi una cincuentena de películes y tamién na televisión, pero probablemente sea meyor conocíu polos sos últimu trabayos con Quentin Tarantino y Robert Rodriguez.
Biografía Inicio Nació en Corona (California) y el so nome real ye Harry Samuel Parks. El so padre yera camioneru.Michael Parks Biography (1938-)
Parks tuvo analayando de trabayu en trabayu mientres los sos años de mocedá.
Carrera La primer reconocencia pa Parks foi como estrella de la serie de televisión Then Came Bronson, ente 1969-1970. Tamién cantó la tema de Long Lonesome Highway, qu'entraría nel Top 40 de 1970.
Dellos primeros trabayos inclúin The China Lake Murders y Stranger by Night, interpretando en dambos a un oficial de policía. Más tarde interpretaría a Philip Colby mientres la segunda temporada del spin-off de Dinastía, Los Colby. Tamién interpretó a Jean Renault en Twin Peaks.
Apaeció tamién como'l xefe de la mafia irlandesa, Tommy O'Shea, en Death Wish V: The Face of Death (1994); como Doctor Banyard en "Deceiver" (1997); como'l Texas Ranger Earl McGraw en From Dusk Till Dawn (1996), que foi escrita por Quentin Tarantino y dirixida por Robert Rodriguez; y como Ambrose Bierce na protosecuela d'esta postrera, llanzada direutamente a DVD, From Dusk Till Dawn 3: The Hangman's Daughter (2000). Tamién interpretó dos papeles en Kill Bill, de Tarantino, recuperando'l personaxe de Earl McGraw nel Vol. 1, y como Esteban Vihaio, un ex-proxeneta de 80 años nel Vol. 2. Apocayá volvió interpretar a Earl McGraw nos dos segmentos de la película de Tarantino/Rodriguez, Grindhouse.
Vida personal Casóse cuando tenía quince años.Michael Parks Biography - Yahoo! Movies
El so fíu, James Parks, ye tamién actor. Interpretó al fíu del personaxe del so padre, Earl McGraw, en trés causes: Kill Bill, From Dusk Till Dawn 2: Texas Blood Money y el segmentu de Tarantino en Grindhouse, Death Proof.
Referencies
Enllaces esternos Páxina web oficial
Categoría:Persones de California Categoría:Actores y actrices d'Estaos Xuníos Categoría:Wikipedia:Mantenimientu:Persones ensin plantía nym