Jason Patric Miller, Jr. ye un actor de cine, televisión y teatru d'Estaos Xuníos. Conocíu poles sos intervenciones en películes como The Lost Boys (1987), Sleepers (1996), Speed 2: Cruise Control (1997), Narc (2002) o The Losers (2010).
Biografía Jason Patric nació'l 17 de xunu de 1966 en Nueva York, Estaos Xuníos concretamente nel afamáu barriu de Queens, fíu de Linda Miller y Jason Miller, dambos actores.Consultáu en 2010Biografía de Jason Patric IMDb (n'inglés) Ye nietu de Jackie Gleason. Tien un hermanu llamáu Joshua John Miller. Allegó a la prestixosa escuela, na que namái asistíen varones, Don Bosco Preparatory High School, nel norte de Nueva Jersey. Tien doble nacionalidá, irlandesa y d'Estaos Xuníos.
Carrera Jason Patric debutó col telefilme Amor difícil (1985) para darréu intervenir en The Lost Boys (1987) na que compartió cartelu con Kiefer Sutherland o Dianne Wiest y que foi dirixida por Joel Schumacher. En participando en producciones que dexaron indiferente al públicu y a la crítica, la so primer gran oportunidá llegaría-y con drama Sleepers (1996) xunto a Kevin Bacon, Robert De Niro, Brad Pitt y Dustin Hoffman; la cinta foi bien recibida pola crítica y públicu, recaldando 165 millones de dólares en tol planeta.Consultáu en 2010Respuesta crítica a Sleepers Rotten Tomatoes (n'inglés)Consultáu en 2010Recaldación de Sleepers Box Office Mojo (n'inglés) Dempués protagonizaría xunto a Sandra Bullock y Willem Dafoe la secuela de Speed (1994) titulada Speed 2: Cruise Control (1997) na qu'interpretaba a Alex Shaw, un axente de policía que se vía envolubráu en problemes cuando'l cruceru nel que viaxaba cola so novia yera secuestráu por un allunáu. El filme foi zurdíu pola mayoría de la prensa especializada y supúnxo-y el so primer candidatura al Razzie.Consultáu en 2010Respuesta crítica a Speed 2: Cruise Control Rotten Tomatoes (n'inglés)Consultáu en 2010Premios y nominaciones de Jason Patric IMDb (n'inglés)
Darréu participó nel drama de Neil LaBute Your Friends & Neighbors (1998), na qu'apaecía xunto a Ben Stiller o Aaron Eckhart, y pola que recibió una nominación al Satellite Award al meyor actor de repartu en drama; y nel thriller Narc (2002) na que tenía como compañeru de repartu a Ray Liotta, foi dirixida por Joe Carnahan y producida por Tom Cruise. El filme foi sofitáu pola prensa y foi candidatu al gran premiu del xuráu nel Festival de Cine de Sundance.Consultáu en 2010Respuesta crítica a Narc Rotten Tomatoes (n'inglés)Consultáu en 2010Narc nel Festival de Cine de Sundance IMDb (n'inglés) Años más tarde participó nel remake tituláu The Alamo (2004), protagonizáu por Dennis Quaid y Billy Bob Thornton y dirixíu por John Lee Hancock. El filme nun funcionar comercialmente, envalorándose unes perdes de 120 millones de dólares.Consultáu en 2010Recaldación de The Alamo Box Office Mojo (n'inglés)
Tres unos años d'ausencia en grandes proyeutos remaneció nel drama empobináu pol ganador del Óscar Paul Haggis In the Valley of Elah (2007), protagonizada por Tommy Lee Jones, Susan Sarandon y Charlize Theron, la cinta foi bien recibida por gran cantidá de críticos.Consultáu en 2010Respuesta crítica a In the Valley of Elah Rotten Tomatoes (n'inglés) Darréu vendríen personaxes secundarios nel drama familiar My Sister's Keeper (2009), xunto a Cameron Diaz y la película d'aición The Losers (2010), con Chris Evans o Zoe Saldana; namái recaldó 23 millones de dólares n'Estaos Xuníos, magar que les mires yeren cimeres.Consultáu en 2010Recaldación de The Losers Box Office Mojo (n'inglés)
Filmografía Cine Solarbabies (1986) The Lost Boys (1987) The Beast of War (1988) Denial (1990) After Dark, My Sweet (1990) Rush (1991) Geronimo: An American Legend (1993) The Journey of August King (1995) Sleepers (1996) Speed 2: Cruise Control (1997) Incognito (1997) Your Friends & Neighbors (1998) Narc (2002) The Alamo (2004) Walker Payne (2006) Expired (2007) In the Valley of Elah (2007) Downloading Nancy (2008) My Sister's Keeper (2009) The Losers (2010) Keyhole (2011) The Prince (2014)
Premios Satellite Awards Añu Categoría Película Resultáu 1999Meyor actor de repartu en drama Your Friends & Neighbors
Vida privada Jason Patric tuvo saliendo mientres dos años (1991, 1992) con Julia Roberts, dempués de qu'ésta atayara la so boda con Kiefer Sutherland, íntimu amigu del actor.Consultáu en 2010Jason Patric Relationships whosdatedwho.com (n'inglés)Tamién se-y conocen distintes rellaciones con Sandra Bullock, Robin Wright Penn o Christy Turlington, cola que caltuvo una rellación ente 1995 y 1999, anguaño, Christy Turlington ye la esposa d'Edward Burns.
Nel añu 2004 foi arrestáu so cargos d'intoxicación pública y resistencia a l'autoridá na llocalidá d'Austin, Texas, Estaos Xuníos. Patric alegó que les acusaciones yeren falses. La oficina del fiscal finalmente retiró los cargos contra l'actor, ente los que s'incluyíen l'asaltu a un axente de policía. Darréu, demandó al policía que lo detuvo, por violar los sos derechos civiles, pero'l xuráu federal falló a favor del oficial.Consultáu en 2010Patric Loses Civil Rights Suit Against APD austinchronicle.com (n'inglés) Jason Patric esta saliendo cola actriz Gia Mantegna dende 2014.
Referencies
Enllaces esternos
Categoría:Actores y actrices d'Estaos Xuníos Categoría:Persones de Nueva York