Infancia y mocedá Nació en Filadelfia y graduóse en 1995 na St. Joseph's Preparatory School de la so ciudá natal. Anguaño ta casáu con Kaitlin Olson, la so compañera de repartu en It's Always Sunny in Philadelphia dende'l 27 d'ochobre de 2008.
Trabayos en televisión La popularidá nel so país deber al so papel de Mac na serie It's Always Sunny in Philadelphia, una comedia de situación de televisión de la cadena FX. McElhenney foi'l direutor executivu de la serie, de la qu'escribió siete episodios y dirixó unu.
Apaeció nel episodiu Not in Portland de la tercer temporada de la serie Lost col papel de Aldo.Ficha del personaxe Aldo en Lostpedia El productor executivu d'esta serie, Damon Lindelof, sentía tal almiración por It's Always Sunny in Philadelphia qu'aportunó por que McElhenney apaeciera en Lost.
Trabayos pal cine McElhenney debutó con un pequeñu papel na película The Devil's Own (n'España, La solombra del diañu) d'Alan J. Pakula y tamién intervieno como personaxe secundariu en A Civil Action (Aición civil) de Steven Zaillian y Wonder Boys (Mozos prodixosos) de Curtis Hanson.
Más importante foi la so participación en Latter Days y The Tollbooth.
Referencies
Enllaces esternos
Categoría:Actores y actrices d'Estaos Xuníos