Pat Ryan foi un actor d'Estaos Xuníos.
Trayeutoria como actor
Ryan, con una oronda figura bastante reconocible, apaeció en papeles secundarios en películes d'horror y d'aición mientres la década de 1980. Ente los títulos d'horror nos qu'intervieno figuren dellos clásicos de serie B de cultu, tales como El Vengador Tóxicu (The Toxic Avenger), Eat and Run o Street Trash. Na producción de Troma Entertainment El Vengador Tóxicu yera'l repulsivo alcalde Belgoody que trataba d'acabar col personaxe que daba títulu a la película. Intervieno dempués n'otra de les películes del dueñu de Troma, Lloyd Kaufman, como'l responsable de la planta nuclear de Mutantes na universidá.
Ryan apaeció acreitáu como Pat Ryan, Pat Ryan Jr., Bob Ryan, R. L. Ryan o Robert L. Ryan.
Vida personal
Ryan nació en Pennsylvania, onde trescurrió la so vida hasta la so repentina muerte, asocedida en 1991 por cuenta de un ataque al corazón; Ryan tenía entós 44 años. El documental de 2003 ¿Quién mató a Dr. Aguadía? ta dedicáu a la memoria de Ryan.https://www.imdb.com/title/tt0381148/.
Filmografía
Xusticia privada (Fighting Back, 1982) ... Vecín (como Bob Ryan) El Vengador Tóxicu (The Toxic Avenger, 1984), de Lloyd Kaufman y Michael Herz ... Alcalde Peter Belgoody (como Pat Ryan Jr.) Birdy (1984) ... Joe Sagessa (como Robert L. Ryan) Invasion USA (1985), de Joseph Zito ... Obreru de la construcción (ensin acreitar) Mutantes na universidá (Class of Nuke 'Em High, 1986), de Lloyd Kaufman y Richard W. Haines ... Mr. Finley (como R.L. Ryan) Street Trash (1987) ... Frank Schnizer (como R.L. Ryan) El maniquín (Mannequin (1987) ... Encargáu de la pizzeria (como R.L. Ryan) Eat and Run (1987) ... Murray Creature (como R. L. Ryan) Forever, Lulu (1987) ... Home gruesu (como R.L. Ryan)
Referencies
Enllaces esternos
Categoría:Actores y actrices d'Estaos Xuníos Categoría:Persones de Pennsylvania