Sally Kirkland foi una actriz, productora y direutora d'Estaos Xuníos orixinaria de Nueva York, Nueva York. Fundó un institutu pa dar sofitu a les muyeres que tuvieron problemes con emplantes de silicones. Enseñó yoga, meditación y drama y tuvo'l so propiu programa de radio.
Vida profesional y privada Sally nació na ciudá de Nueva York nel añu 1941, fía d'una editora de modes de revistes tales como Vogue y Life. Foi estudiante de Lee Strasberg y parte del grupu cercanu a Andy Warhol.
Empezó la so carrera actuando en teatros fuera de Broadway y dizse que foi la primer actriz n'apaecer desnuda nun llexítimu teatru, na obra Sweet Eros de 1968. Mientres la década del 70 el so trabayu en televisión concentróse mayoritariamente n'apaiciones ocasionales en series reconocíes como Hawai Five-O, Baretta, Kojak, The Incredible Hulk y Starsky and Hutch. Nel añu 1973 llogró un papel secundariu nel ésitu protagonizáu por Robert Redford y Paul Newman, The Sting. Tres años más tarde pudo trátela como fotógrafa nel filme A Star Is Born, película ganadora de dellos Golden Globes.
Empezó la década del 80 con un papel na película Private Benjamin, protagonizada por Goldie Hawn, y dos apariciones na serie Charlie's Angels. Incursionó de la mesma les noveles General Hospital y Falcon Crest. En 1987 Sally representó'l so papel más celebráu hasta'l día de güei na película Anna. Nella interpretaba a una actriz checa exiliada en Nueva York tratando de consiguir emplegu. Esti papel valió-y dellos premios y hasta una nominación al Óscar como Meyor Actriz. Esi añu'l Óscar foi para Cher por Moonstruck.
Yá na década del 90, el so trabayu concentróse mayormente en filmes, yá sea pa la pantalla grande o pa televisión, participó dacuando en series (Roseanne, Murder, She Wrote, The Nanny, Felicity, etc.) y mientres 65 episodios representó'l papel de Helen Lawson na serie Valley of the Dolls. Ente los filmes más destacaos nos que participó nesa década pueden mentase los dos protagonizaos por Kevin Costner Revenge y JFK; la comedia Bullseye! con Michael Caine y Roger Moore; Excess Bagage (protagonizada por Benicio del Toro y Alicia Silverstone) y EDtv, una comedia sobre un home que tresmite la so vida per televisión, protagonizada por Matthew McConaughey, na qu'interpretó a la madre del papel d'ésti.
A partir del añu 2000, Sally xiró la so atención escontra'l cine independiente, trabayando en proyeutos como Adam & Steve y Boxer Shorts. Llogró un pequeñu papel como camarera na comedia de Jim Carrey Bruce Almighty y otru en Factory Girl, una película ambientada na década del 60 sobre la vida d'Edie Sedgwick y la so rellación con Andy Warhol. Nel añu 2008 escribió'l guión pal curtiu The Ear of the Beholder.
Nel añu 1998, l'actriz sometióse a una operación pa remover los emplantes de silicona que s'asitiara, por cuenta de que produciéron-y problemes de salú. A partir d'esta esperiencia, Sally fundó un institutu p'ayudar y brindar sofitu a muyeres qu'habíen tenído problemes similares: el Institutu Kirkland pa Sobrevivientes del Síndrome del Emplante (Kirkland Institute for Implant Syndrome Survivors ó KIISS). Kirkland foi tamién una artista y tuvo la so propia galería en Los Angeles p'amosar el so trabayu.
Sally foi una pastora ordenada de la Ilesia del Movimientu de Conciencia Espiritual Interior (n'inglés Movement of Spiritual Inner Awareness). Asinamesmo, foi tamién maestra de yoga, meditación y drama y tuvo'l so propiu programa de radio llamáu Reverenda Sally Kirkland.
Filmografía
En cine
En televisión
Como actriz
Como productora
Otros creitos Años Nome Tipu Títulu 1968 Blue Film Entrenadora de diálogu 1974 Candy Stripe Nurses Film Direutora de casting 1997 Women: Stories of Passion Serie de TV Direutora 1997 Women: Stories of Passion Serie de TV Asesora creativa 1999 Starry Night Film Direutora de Casting 2000 The Boys Behind the Desk Film Direutora 2008 The Ear of the Beholder Curtiu Escritora
Referencies
Enllaces esternos
Categoría:Persones de Nueva York Categoría:Direutores de cine d'Estaos Xuníos Categoría:Actores y actrices d'Estaos Xuníos