Hammurabi foi un príncipe de Babilonia que xubió al tronu d'esta ciudá-estáu mesopotámica nel 1972 e.C.
El so recuerdu históricu ye perimportante por mor de la tresformación del so pequeñu reinu de 50 km² nun imperiu que controlaba rexones fuera de Mesopotamia. Esta política d'espansión herédala del so pa Sinmuballit aprovechando'l tapecer d'Asiria pa facese un sitiu na política internacional de la dómina.
Pal 1759 e.C. el control de Babilonia espárdese dende'l Golfu Pérsicu pa colos montes septentrionales, incluyéndose nesti territoriu a Sumeria, Akkad y Elam. Asina pa poder gobernar conxuntamente estos estaos tan estremaos, desendolcará una política de xunidá llingüística, cultural y económica frutu de la cual ye'l perconocíu Códigu d'Hammurabi. El so reináu llega a la final dexando una Babilonia nel so puntu cimeru dada la so fuercia militar y sobre too económica, yá que ye un intre d'esplendor na economía mesopotámica.
Ver tamién Códigu d'Hammurabi Mesopotamia
Referencies
Enllaces esternos
Categoría:Mesopotamia Categoría:Persones d'Asia Categoría:Wikipedia:Mantenimientu:Persones ensin plantía NF