Erik Weiner ye un actor, comediante y guionista d'Estaos Xuníos conocíu pola so obra de teatru The Bomb-itty of Errors y el so papel como l'axente Sebso na serie Boardwalk Empire.
Biografía Nació y creció en San Francisco. Graduóse na Universidá de Nueva York. En 1999 creó y protagonizó The Bomb-itty of Errors, una adautación de La comedia de les equivocaciones de Shakespeare, onde s'entemez a Shakespeare y al hip-hop. La obra foi realizada en Nueva York (Off-Broadway), Londres, Chicago, Los Angeles, Amsterdam, Edinburgh, Dublin, etc.
En 2002 Weiner creó y protagonizó Scratch & Burn, una serie de sketches de MTV. El mesmu añu fixo'l so debú nel cine, na comedia romántica Brown Sugar, xunto a Queen Latifah.
En 2007 y 2008 foi nomiado al premiu Emmy pol so trabayu como guionista na serie animada Robot Chicken.
Dende 2010 forma parte del repartu de la serie Boardwalk Empire, onde interpreta al axente Sebso, compañeru del axente Van Alden (Michael Shannon). La serie ye producida por Martin Scorsese y Terence Winter.
Vida personal Weiner vive en Los Angeles xunto a la so pareya, Kerry.https://www.google.com/profiles/erikweiner
Referencies
Enllaces esternos
Sitiu web oficial Famous Last Nerds The Geniuses Erik Weiner en YouTube Erik Weiner en Funny or Die
Categoría:Actores y actrices d'Estaos Xuníos Categoría:Humoristes d'Estaos Xuníos Categoría:Guionistes de televisión d'Estaos Xuníos