Renée Zellweger ye una actriz d'Estaos Xuníos. Ye una de les poques actrices que ganaron los cuatro premios más importantes del cine: l'Óscar, el BAFTA, el Globu d'Oru y el Premiu del Sindicatu d'Actores.
Biografía Nació en Texas. El so padre, Emil Zellweger, yera un inxenieru d'orixe suizu y la so madre, Kjellfrid Irene Andreassen, d'orixe noruegu, fuera enfermera."Renee Zellweger Biography (1969–)." Film Reference.com. Na dómina del colexu participó en montaxes teatrales entamaos polos alumnos, y empezó a interesase pola actuación. Darréu estudió ciencies de la radio, cine y televisión na Universidá de Texas n'Austin, y foi tan brillosa que terminó la so carrera un añu antes de lo habitual. Mientres estudiaba na universidá, Zellweger tomó unes clases d'interpretación y decidió que quería convertise n'actriz."Inside the Actors Studio". Bravotv.com. Temporada 9, episodiu 912. 9 de mayu de 2003.
Carrera Una vegada terminaos los sos estudios, Zellweger quixo consiguir papeles nel cine. Consciente de que Hollywood yera pel momento inalcanzable, intentó actuar en películes que se rodaben en Texas. Consiguió efeutivamente pequeños papeles en delles películes, como en The Texas Chainsaw Massacre: The Next Generation, onde compartió cartelu con Matthew McConaughey, pero nun foi hasta qu'en 1994 ufiertáron-y un papel relevante en Love & a.45. La so interpretación valió-y el reconocencia de la crítica y empezó a ser conocida pol públicu y los profesionales del cine.
Hollywood Decidió entós treslladase a Los Angeles. Tres otres varies películes en papeles menores, repitió en 1996 l'ésitu de 1994 con The Whole Wide World. Sicasí, el so saltu a la fama llegó nesi mesmu añu cola película Jerry Maguire, protagonizada por Tom Cruise, na qu'interpretó de forma bien convincente a una contable de la empresa en que trabaya Cruise, y que ye la única que confía nél cuando tien qu'abandonar la compañía por faer planteamientos que la direición nun piensa tolerar. La película foi un ésitu atayante, y Zellweger llogró grandes aponderamientos de la crítica.
Zellweger haise esmerado en carauterizar a muyeres con tenacidá encadenaes a vides sufiertes, anque hai incursionado nel xéneru humorísticu y de la comedia demostrando versatilidá actoral.
Nos años siguientes, Zellweger participó en delles películes llargamente distribuyíes, que consolidaron la so fama. Actuó en Coses qu'importen con Meryl Streep, y en Me, Myself & Irene con Jim Carrey. Por Nurse Betty, de 2000, ganó un Globu d'Oru a la meyor actriz de película cómica o musical.
Con Bridget Jones's Diary Zellweger algamó en 2001 un ésitu de públicu y una reconocencia de la crítica estraordinariu en tol mundu. Los productores duldaren en da-y el papel a ella, una y bones el personaxe ye inglés y Zellweger fala con un acentu d'Estaos Xuníos. Amás el personaxe riquía tar más gorda. Sicasí, ella demostró que podía modificar el so acentu y, cola ayuda d'un profesor, consiguió al cabu de poco tiempu falar como una inglesa y engordar unos cuantos quilos. A pesar de que na película intervienen destacaos actores, ye ella la que capta por entero l'atención del espectador. Pola so interpretación nesta película foi nomada a un Globu d'Oru y a un Oscar como meyor actriz, onde foi superada por Halle Berry en Monster's Ball.
Zellweger participó pocu dempués nel musical Chicago ambientáu nos años 20, nel papel d'una muyer ansiosa de fama que va acabar en prisión por matar al so amante. Foi gallardoniada col so segundu Globu d'Oru y una segunda nominación a los premios de l'Academia d'Estaos Xuníos, amás de la reconocencia mundial escontra les sos dotes de cantar y baille. El Oscar perder ante Nicole Kidman por Les Hores.
La so tercer nominación al Óscar foi la que-y valió'l premiu gracies al papel de Ruby Thewes nel drama Cold Mountain, una actuación que demostró la gran versatilidá de Zellweger.
Tamién intervieno en Down With Love, dando voz a un pexe na película d'animación Shark Tale, tamién encarno per segunda vegada a la soltera inglesa en Bridget Jones: The Edge of Reason, que-y dio'l so cuarta nominación a los Globos d'Oru y nel drama americanu Cinderella Man. thumb|300px|left|Renée y George Clooney nuna entrevista. En 2006, actuó na película Miss Potter, interpretando a la escritora de cuentos infantiles Beatrix Potter, onde actuó xunto a Ewan McGregor y Emily Watson y pola que llogró la so quinta nominación al Globu d'Oru, onde perdió a favor de la veterana Meryl Streep por The Devil Wears Prada.
En 2007 emprestó la so voz pal personaxe d'una florista en Bee Movie xunto a Jerry Seinfeld. Nel añu 2008 participó en variaos proyeutos cinematográficos como Ella ye'l partíu, dirixida por George Clooney, onde interpreta a una periodista feminista dispuesta a afayar un fraude nel fútbol, tamién participó en Appaloosa, un western empobináu por Ed Harris y tamién protagonizáu por Viggo Mortensen.
En 2009 estrenó New in Town, una comedia romántica onde participa xunto a Harry Connick Jr. na que Renée encarna a Lucy Hill, una esitosa executiva que d'una vida de luxu en Miami pasa a afaese a un pequeñu pueblu de Minnesota onde ye unviada pa supervisar a los emplegaos d'una fábrica.
Los sos próximos proyeutos son My one and Only, un road movie que protagoniza xunto a Kevin Bacon, y Case 39.
Vida personal Tuvo xunida sentimentalmente al actor Jim Carrey. Tamién la rellacionó col actor George Clooney y el músicu Jack White, anque foi'l tamién músicu Kenny Chesney col que finalmente casóse, anque a los 5 meses de matrimoniu l'actriz texana pidió'l divorciu alegando "fraude"."Top 10 Short-Lived Celebrity Marriages – Renée Zellweger and Kenny Chesney" Time Magazine SpecialThomas, Karen. "Renee Zellweger cites 'fraud' in split to Kenny Chesney". USA Today. 15 de setiembre de 2005. Caltuvo una rellación col actor Bradley Cooper y dende 2013 caltién una rellación col guitarrista y cantante Doyle Bramhall.
Filmografía
Cine Añu Película Papel Notes 1993 Reality Bites Tami 1993 Dazed and Confused Moza na carroceta (Desacreditada) 1994 The Texas Chainsaw Massacre: The Next Generation Jenny 1994 Love and a.45 Starlene Cheatham 1995 The Low Life Poet 1995 Empire Records Gina 1996 The Whole Wide World Novalyne Price 1996 Jerry Maguire Dorothy Boyd 1997 Deceiver Elizabeth 1998 A Price Above Rubies Sonia Horowitz 1998 One True Thing Ellen Gulden 1999 The Bachelor Anne Arden 2000 Nurse Betty Betty Sizemore 2000 Me, Myself & Irene Irene P. Waters 2001 Bridget Jones's Diary Bridget Jones 2002 White Oleander Claire Richards 2002 Chicago Roxie Hart 2002 Down with Love Barbara Novak 2003 Cold Mountain Ruby Thewes 2004 Shark Tale Angie (Voz) 2004 Bridget Jones: The Edge of Reason Bridget Jones 2005 Cinderella Man Mae Braddock 2005 Miss Potter Beatrix Potter Productora executiva 2007 Bee Movie Vanessa Bloome (Voz) 2008 Leatherheads Lexie Littleton 2008 Appaloosa Allison French 2009 New in Town Lucy Hill 2009 My One and Only Anne Devereaux 2009 Monsters vs Aliens Katie (Voz) 2009 Case 39 Emily Jenkins 2010 My Own Love Song Jane 2016 The Whole Truth Madre de Mike's 2016 Same Kind of Different as Me Deborah 2016 Bridget Jones's Baby Bridget Jones
Televisión: películes y series Añu Película Papel Notes 1992 A Taste for Killing Mary Lou Película pa televisión 1993 Murder in the Heartland Barbara Von Busch (Desacreditada) Miniserie pa TV 1994 Shake, Rattle and Rock! Susan Doyle Película pa televisión 2001 King of the Hill Tammy Duvall (Voz) Serie. Episodiu: "Ho, Yeah!" 2008 Living Proof — Productora executiva
Premios Premiu Óscar Añu Categoría Película Resultáu2003Meyor actriz de repartuCold Mountain2002Meyor actrizChicago2001Meyor actrizBridget Jones's Diary
Premiu Globu d'Oru Añu Categoría Película Resultáu2007Meyor actriz - Comedia o musicalMiss Potter2005Meyor actriz - Comedia o musicalBridget Jones: The Edge of Reason2004Meyor actriz de repartuCold Mountain2003Meyor actriz - Comedia o musicalChicago2002 Meyor actriz - Comedia o musicalBridget Jones's Diary2001Meyor actriz - Comedia o musicalNurse Betty
Premios BAFTA Añu Categoría Película Resultáu2003Meyor actriz de repartuCold Mountain2002Meyor actrizChicago2001Meyor actrizBridget Jones's Diary
Premios del Sindicatu d'Actores Añu Categoría Película Resultáu2003Meyor actriz de repartuCold Mountain2002Meyor repartuChicago2002Meyor actrizChicago2001Meyor actrizBridget Jones's Diary1997Meyor actriz de repartuJerry Maguire
Referencies
Enllaces esternos
Bridget Jones Online Archive
Categoría:Actores y actrices de Texas Categoría:Candidates al premiu Óscar a la meyor actriz Categoría:Ganadores del Globu d'Oru a la meyor actriz de comedia o musical (cine) Categoría:Ganadores del Globu d'Oru a la meyor actriz de repartu Categoría:Ganadores del premiu BAFTA Categoría:Ganadores del premiu del Sindicatu d'Actores a la meyor actriz protagonista Categoría:Ganadores del premiu del Sindicatu d'Actores a la meyor actriz de repartu Categoría:Ganadores del premiu Óscar a la meyor actriz de repartu Categoría:Paséu de la Fama de Hollywood