NGC 40 ye una nebulosa planetaria de color acoloratáu na constelación de Cefeo. Informalmente llamó-ylo Nebulosa de la Tarabica. Afayóse por William Herschel el 25 de payares de 1788.
De magnitú aparente 11'4, ta formada por gas caliente que s'espande a razón d'unos 29 km/s alredor d'una estrella central morrebunda.
Estrella central
Esta estrella ye HD 826, de magnitú 11'6 y de clase espectral WC.
Ye insólitamente lluminosa, y presenta les carauterístiques d'una estrella de Wolf-Rayet. El so fuerte vientu estelar confier una forma irregular a la nebulosa.
Espulsó les sos capes esteriores, y tien una temperatura d'unos 50.000 °C. La so radiación calez la materia espulsada hasta 10.000 °C.
Calcúlase que, nunos 30.000 años, la nebulosa dirá escastándose, y va quedar namái una nana blanca del tamañu averáu de la Tierra.Astronomers Find New Evidence for the Violent Demise of Sun-Like Stars, en Chandra X-Ray Observatory (n'inglés)
Observación de la nebulosa left|250px Nun s'estrema a güeyu, pero puede faese con un telescopiu de 150 ó 200 mm d'apertura a unos 5º al SSE de la estrella binaria Errai (Gamma de Cefeo). va reparase un aniellu lluminosu atayáu en dos puntos, y una rexón esterna irregular y pocu nítida.
Bibliografía
Obres de calter xeneral
O'Mexara, Stephen James: "Deep Sky Companions: The Caldwell Objects". Ed.: Cambridge University Press. 2003. ISBN 0-521-55332-6
Cartes celestes
Tirion, Rappaport y Lovi: "Uranumetria 2000.0" - Volume I - The Northern Hemisphere to -6°. Ed.: Willmann-Bell, inc. Richmond, Virginia, Estaos Xuníos. 1987. ISBN 0-943396-14-X
Tirion y Sinnott: "Sky Atles 2000.0". 2ª ed. Ed.: Cambridge University Press. Cambridge, Estaos Xuníos. 1998. ISBN 0-933346-90-5
Ver tamién SIMBAD Llista de nebuloses planetaries Llista d'oxetos NGC
Referencies
Enllaces esternos
Catálogu SEDS
NGC 0040 0040 Categoría:Constelación de Cepheus Categoría:Oxetos Caldwell