NGC 3918 ye una nebulosa planetaria de magnitú aparente 8,1 asitiada na constelación de Centaurus, 2,5º al nordeste de Decrux (δ Crucis). Nun telescopiu de 25 cm, utilizando ente 75 y 120x, apaez como un pequeñu discu azul maciu similar al de Neptunu.Blue Planetary (NGC 3918). The internet Encyclopedia of Science
El Telescopiu Espacial Hubble amuesa a NGC 3918 con una envoltura esterior aproximadamente esférica. Tamién dexa ver un globu interior allargáu, formáu pol fuerte vientu estelar proveniente de la caliente estrella central, que ta empezando a aprucir fuera de la envoltura esférica penriba y pembaxo de la imaxe.Hubble Witnesses the Final Blaze of Glory of Sun-Like Stars. Hubblesite
La envoltura o globu interior, con forma d'exa, ta llixeramente inclinada respectu al planu del cielu. Partiendo de les rexones polares d'esta envoltura, alcuéntrase un remexu de materia con dos estremos, que la so velocidá d'espansión aumenta de forma llinial cola distancia, dende 50 a 100 km/s. Esti remexu probablemente ye coetaneu cola envoltura interna, suxiriendo que la so formación puede adscribirse a los mesmos procesos que dieron llugar a la nebulosa principal, y que nun s'anició nun episodiu posterior.
NGC 3918 alcuéntrase a cerca de 3000 años lluz de distancia de la Tierra, siendo'l so diámetru averáu d'unos 0,3 años lluz. Afayóse por John Herschel en 1834.
Ver tamién Llista de nebuloses planetaries Llista d'oxetos NGC
Enllaces esternos Catálogu SEDS
Referencies
Categoría:Nebuloses planetaries 3918 Categoría:Constelación de Centaurus Categoría:Oxetos astronómicos descubiertos nos años 1830 Categoría:1834