NGC 6530 ye un cúmulu abiertu na constelación de Saxitariu, acomuñáu a la Nebulosa de la Llaguna (M8). De magnitú aparente 4,6, alcuéntrase a unos 5200 años lluz de la Tierra.
Ta clasificáu como de tipu Trumpler II 2 m n (Sky Catalog 2000), lo qu'implica, ente otres coses, que ta separáu pero concentráu llixeramente escontra'l so centru. Como la lluz de les sos estrelles amuesa bien pocu encarnizamientu causáu por materia interestelar, ye probable que'l cúmulu tea asitiáu xusto delantre de la Nebulosa de la Llaguna. La so estrella más brillosa ye 9 Sagittarii, una estrella azul caliente de tipu espectral O5 y magnitú 5,9. Woldemar Götz menta esti cúmulu diciendo que contién una estrella peculiar de tipu Of, esto ye, una estrella de tipu O con llinies espectrales peculiares d'heliu y nitróxenu ionizados. La so edá envalórase nunos dos millones d'años, polo que ye un cúmulu desaxeradamente nuevu.
Foi afayáu pol astrónomu Giovanni Batista Hodierna enantes de 1654 y independientemente redescubierto por John Flamsteed en 1680.
Ver tamién Nebulosa de la Llaguna, acomuñada col cúmulu NGC 6530 Llista d'oxetos NGC
Referencies
Enllaces esternos
NGC 6530 (NASA Extragalactic Database) Catálogu SEDS The star formation region NGC 6530: Distance, ages and initial mass function
6530 Categoría:Cúmulos abiertos Categoría:Constelación de Saxitariu