NGC 7052 ye una galaxa elíptica na constelación de Vulpecula de magnitú aparente 13,4, afayada por William Herschel en 1784. Alcuéntrase a 191 millones d'años lluz de distancia.
El Telescopiu Espacial Hubble afayó un discu de polvu xigante en NGC 7052.Dust Disk around a Massive Black Hole, en Hubblesite (n'inglés) Con un diámetru de 3700 años lluz, arrodia un furacu prietu supermasivu asitiáu nel centru de la galaxa. El discu, posiblemente un remanente d'un antiguu choque galácticu, va ser absorbíu pel furacu prietu en dellos miles de millones d'años. Por cuenta de que el polvu absuerbe la lluz azul de forma más efectiva que la lluz colorao, el discu tien un aspeutu más acoloratáu que'l restu de la galaxa.
Reparóse que'l discu xira alredor del furacu prietu, y la midida de la velocidá de rotación dexó calcular la masa del furacu prietu: 300 millones de vegaes la masa solar. Aun así, apenes supón un 0,05% de la masa total de la galaxa.
El puntu brillosu del centru del discu ye la lluz combinao de les estrelles tremaes en redol al furacu prietu pol so enorme fuercia gravitatoria.
A lo último, hai que destacar que NGC 7052 ye una importante radiofuente, con dos remexos opuestos que emanan del nucleu pero que nun son perpendiculares al discu. Esto puede implicar que'l furacu prietu y el discu tienen oríxenes distintos.
Ver tamién
Llista de galaxes Llista d'oxetos NGC Llista d'oxetos PGC Llista d'oxetos UGC NGC 4261, una galaxa similar.
Enllaces esternos Catálogu SEDS
Referencies
7052 066537 11718 Categoría:Galaxes elíptiques Categoría:Constelación de Vulpecula Categoría:Oxetos astronómicos descubiertos en 1784