Erik Acharius , foi un médicu, naturalista y botánicu suecu. mini|Portada d'un llibru
Biografía Acharius empezó los sos estudios n'Upsala en 1773. Foi bien influyíu por Carlos Linneo, en 1776 defende la tesis "Planta aphyteja", la última disertación presidida por Linneo.
Acharius tuvo problemes financieros, pero como tenía grandes habilidaes artístiques, consiguió en 1778 un trabayu de ilustrador d'oxetos de Ciencies Naturales pa l'Academia Sueca de Ciencies. Siguió los sos estudios y preparóse pa llograr la graduación en Medicina que consiguió satisfactoriamente en Lund en 1782.
El so destín médicu más importante foi como médicu de provincies en Vadstena en 1789, onde permaneció pol restu de la so vida. Casóse dos veces y tuvo 10 fíos. En 1809 foi gallardoniáu cola orde de Wasa. Acharius fixo enforma por ameyorar el nivel sanitariu, tando especialmente interesáu nel tratamientu de les enfermedaes venérees. Fundó un Hospital especializáu nestes enfermedaes en Vadstena en 1795.
A pesar del so bon quefer médicu, Acharius ye más conocíu por ser el "padre de la liquenoloxía". El so interés polos lique podría ser inspiráu por Linnaeus, quien arrexuntó los pocos liquen que conocía dientro del xéneru Lichen. Probablemente fuera afaláu nel estudiu de los liquen pol so amigu Olof Swartz.
Acharius reclasificó el xéneru Lichen nunos 40 xéneros y describió unos 60 tipos de Taxa de Criptógames. Esto mereció-y les crítiques de los botánicos contemporáneos; sicasí'l so trabayu demostróse col tiempu tar bien acertáu siendo de gran valor y duraderu nel tiempu. Los sos cuatro llibros son les piedres fundamentales de la liquenoloxía.
Axuntó un yerbariu bien completu na materia que s'atopa anguaño en Ḥélsinki, con duplicaos na Universidá d'Upsala y nel Muséu d'Historia Natural de Londres.
Honores Epónimos Xéneru Acharia Thunb. 1794
Especies vexetales Aphyteia acharii Steud. 1840 Hydnora acharii Thunb. ex Hook.f. 1873 Rosa acharii Billb. 1821 Conferva acharii Thunb. 1794
Especies d'inseutu Tortrix achariana
Obres "Lichenographiae Suecicae Prodromus", Linköping, 1798 "Methodus qua omnes detectos lichenes ad genera redigere tentavit", Estocolmo, 1803. Hamburgu, 1805 "Lichenografia universalis", Göttingen, 1810 "Synopsis Methodica Lichenum, sistens omnes hujus ordinis naturalis. . . .", Lund, 1814
Bibliografía Galloway, DJ. 1988. Erik Acharius and His Influence on English Lichenology. Brit. Museum, ISBN 0-565-08020-2 Nordisk familjebok, vol. 1 (1904), col 96 Monika Myrdal: "Erik Acharius, the father of lichenology", en , website del Muséu Suecu d'Historia Natural, y enllaces a imáxenes de les sos publicaciones Rutger Sernander: "Acharius, Erik", Svenskt biografiskt lexikon, vol. 1, páxs. 37-40
Referencies
Enllaces esternos
Categoría:Botánicos y botániques de Suecia Categoría:Naturalistes de Suecia Categoría:Médicos y médiques de Suecia Categoría:Escritores en llatín