Cosmas de Praga foi un relixosu, escritor ya historiador checu nacíu d'una noble familia de Bohemia. Ente 1075 y 1081, estudió en Liexa. Al so regresu a Bohemia cásase con Božetěcha, cola que tuvo probablemente un fíu que foi capellán. En 1086 Cosmas foi nomáu racionero de Praga, un cargu que-y aseguraba una cómoda posición social y dexó-y viaxar frecuentemente por Europa.
La so obra capital, escrita en llatín, lleva por títulu Chronica Bohemorum (Crónica checa) y ta estremada en tres llibros: El primeru, concluyíu en 1119, empieza cola creación del mundu y remata col añu 1038. Describe la fundación del Estáu checu polos primeres eslavos de Bohemia alredor del añu 600 y la instauración de la dinastía de los reis de Bohemia colos llexendarios Přemysl y la so esposa Libušy. El segundu entiende los años 1038 – 1092 colos reinaos de Brestislao I y Vladislao I de Bohemia. El terceru toma'l periodu 1092 – 1125 y la guerra civil qu'españó a la muerte de Vratislav. Termina col reináu de Vladislav I de Bohemia, ente 1109 y 1125, añu de la muerte de Cosmas.
Notes
Esti artículu toma material traducíu de esta versión del artículu de la Wikipedia en francés.
Referencies
Enllaces esternos
Biografía de Cosmas; en checu.
Cosmas: Crónica de los bohemios (Chronica Bohemorum). Testu billingüe llatín - francés nel sitio de Philippe Remacle (1944 - 2011): trad. y anotaciones de Jan Potocki publicaes nel tomu III de la so obra Fragmentos históricos y xeográficos sobre Escitia, Sarmacia y los eslavos (Fragments historiques et géographiques sur la Scythie, la Sarmatie et les Slaves, Brunswick, 1796), en 4 tomos. Testu llatín , con introducción n'alemán, en Monumenta Germaniae Historica.
Categoría:Historiadores de Chequia Categoría:Escritores en llatín Categoría:Sacerdotes católicos de Chequia Categoría:Persones de Chequia Categoría:Persones de Chequia Categoría:Historiadores Categoría:Historiadores Categoría:Wikipedia:Páxines con enllaces interllingüísticos Categoría:Persones de Praga