Giovanni Battista Riccioli , foi un astrónomu xesuita italianu. Considérase un pioneru na astronomía llunar.
Biografía Riccioli entró na Compañía de Xesús en 1614. Realizó estudios de retórica, filosofía y teoloxía en Parma y en Bolonia, de la qu'empecipiaba los sos estudios n'astronomía.
La so obra Almagestum novum (1651) constitúi unu de los primeros llibros n'astronomía. El so capítulu tocante a la lluna contién dos grandes mapes, unu de los cualos amuesa per primer vegada los efeutos de les libración, al empar qu'introduz una nueva nomenclatura llunar. Trátase del primer mapa qu'utilizó nomes de científicos o personalidaes prominentes pa identificar los montes o los cráteres, en cuenta de usar nomes de conceutos astractos. Casi tolos nomes introducíos por Riccioli atópense vixentes. Una copia del so mapa llunar reproduzse na entrada a la esposición llunar del Institutu Smithsonianu.
Pola so distribución, la orde de los xesuites cuntaba con observatorios astronómicos que faíen posible'l llogru d'información de distintos llugares del mundu, tan distantes como Suramérica, África, China, Xapón ya India, lo que dexaba a los sos astrónomos el llogru de datos d'eclises solares y llunares, como tamién el tránsitu de Venus. Esto dexó a Riccioli iguar una tabla con 2700 oxetos selenográficos, incomparablemente más precisa que nenguna otra realizada hasta entós.
Riccioli realizó tamién midíes pa refinar los datos astronómicos esistentes, tales como'l radiu terrestre; compiló catálogos d'estrelles, describió les manches solares, el movimientu d'una estrella doble, y les bandes coloriaes de Xúpiter.
Ye conocíu por ser la primer persona en midir la tasa d'aceleración d'un cuerpu cayendo llibremente.
Obra Almagestum novum. 1651 Geographiae et hydrographiae reformatae libri. 1661 Astronomia reformata. 1665 Chronologia reformata. 1669 Tabula latitudinum et longitudinum. 1689
Referencies
Bibliografía Ferdinand Hoefer. 1873. "Historie de l'astronomie", París
Enllaces esternos Curtia biografía de Riccioli, de la Catholic Encyclopedia Temes alrodiu de Riccioli, del Proyeutu Galileo Rice University Riccioli, Giovanni Battista, en francés
Categoría:Astrónomos y astrónomes d'Italia Categoría:Xesuites Categoría:Escritores en llatín Categoría:Selenógrafos Categoría:Relixosos y relixoses d'Italia Categoría:Persones de Ferrara Categoría:Wikipedia:Artículos con referencies a la RAE