thumb|250px|Casa de los Legos, onde vivió y morrió Fra Josep. thumb|250px|Escultures del xardín de Montserrat, obres de Fra Josep destinaes al campanariu. Josep de San Benet , conocíu tamién como «Fray José de les Llámpares», foi hermanu legu benedictín y escritor, amás d'escultor.
Biografía Nacíu como Thomas Antoine Marandel el 5 d'avientu de 1654, pertenecía a una familia flamenca acomodada. De pequeñu amosó enclinos piadosos. En 1673 d'apuntó nel exércitu real. De camín por Cataluña, trabayó como picapedreru nel santuariu de Montserrat, onde se-y espertó la vocación relixosa. En 1677, tomó l'hábitu d'hermanu legu (yá que nun tenía abonda educación pa entrar como monxu sacerdote y apenes sabía lleer). Faía una vida exemplar de gran austeridá y penitencia, mortificándose con cilicios y azotes, como yera costume entós. Llueu foi conocíu como «fray José de les Llámpares».
En 1677 el monesteriu encargó-y les ocho escultures que teníen de coronar el nuevu campanariu que, finalmente, nun se llegó a construyir.F. Xavier Altés i Aguiló. L'església nova de Montserrat. Barcelona: Publicacions de l'Abadia de Montserrat, 1992. p. 169 Tres escultures que llegaron a faese tán güei coronando la cisterna que s'atopa nos xardinos del monesteriu, na parte trasera de la basílica.
Anque nun tenía estudios, dende'l so ingresu nel monesteriu empezó a lleer la Biblia y a estudiar, y llueu destacó pola so conocencia de la Escritura y la sotileza n'encetar cuestiones complexes de teoloxía y mística, capacidá qu'espertó l'almiración de toos, aportando a consultáu por prestixosos teólogos. Escribió 42 trataos, 35 en llatín y 7 n'español, copies manuscrites de les que llueu corrieron per Europa. Son trataos místicos y ascéticos de gran altor intelectual, que lo convierte, según Anselmo M. Albareda, en «el primer místicu benedictín del so sieglu».Anselm Albareda. Bibliografia dels monjos de Montserrat. Segle XVI. p. 35 Ente les sos obres, editaes como Opera omnia en Madrid en 1725 (y reeditaes los años 1727, 1731, 1738 y 1755), hai una autobiografía publicada en 1746, Vida interior y 112 cartes.
Morrió'l 18 de payares de 1728. Atribuyíase-y, como esplicación a la so actividá intelectual, el carisma de la ciencia infusa, el discernimiento d'espíritos, el don del conseyu y la predicción del futuru. Foi declaráu Venerable. En 1750 foi enterráu nel interior de la basílica, na capiya de Santa Ana, onde había una llábana qu'indicaba'l nome y la fecha de la muerte. Na plaza del monesteriu caltién l'edificiu, llamáu de «Fray José de les Llámpares», onde vivió, y alcuéntrase la so celda.
Obres sobre la so vida L'abá Benet Argeric escribió Rellación de la vida y virtúes de frai Joseph de San Benitu. Unu de los poemes del llibru Montserrat de Jacinto Verdaguer ta-y dedicáu: "Fray José de les Llámpares". Nel antepar de la sacristía del monesteriu de Montserrat, alcuéntrase una escultura en bronce de Joaquim Ros, del Venerable Fra Josep de San Benet.
Referencies
Enllaces esternos
Categoría:Escultores del Barrocu Categoría:Escritores en llatín Categoría:Escultores de Cataluña