Delaware ye un estáu de los Estaos Xuníos. Asitiáu na rexón nororiental del país, llenda al sur y al oeste con Maryland, al noreste con Nueva Jersey y al norte con Pennsylvania. Toma'l so nome de Thomas West, tercer barón De la Warr, un noble inglés que foi'l primer gobernador colonial de VirxiniaEntrada "Delaware" na web etymonline.com.
Delaware ocupa la fastera nororiental de la península de Delmarva y ye'l segundu estáu más pequeñu y el sestu menos pobláu del país. Divídese en trés condaos, que de norte a sur son New Castle, Kent y Sussex. Los dos caberos tienen sío, históricamente, d'economía básicamente agrícola, mentantu que'l primeru ta más industrializáu. Tien una estensión de 5.130 km² y una población estimada (U.S. Census Bureau, 2015) de 945.934 habitantes. La so capital ye Dover, y la ciudá más poblada Wilmington.
Primero de que la so costa fora esplorada por navegantes europeos nel sieglu XVI, el territoriu de Delaware taba habitáu pola tribu Lenape al norte y la Nanticoke al sur. Los primeros europeos qu'aportaron al territoriu foron comerciantes holandeses que fundaron, cerca de l'actual ciudá de Lewes, la factoría de Zwaanendael en 1631 Myers, Albert Cook. Narratives of Early Pennsylvania, West New Jersey and Delaware, 1630–1707. C. Scribner's Sons, 1912. Vol. 13, p. 8.. Delaware foi una de les trece colonies que participaron na Revolución Americana. Amás, l'estáu foi'l primeru en ratificar, el 7 d'avientu de 1787, la Constitución de los Estaos Xuníos, y de magar tien como alcuñu oficial "The First State" (El primer estáu).
Referencies
Enllaces esternos Páxina oficial del Estáu (n'inglés) Delaware Map Data (n'inglés)
Categoría:Delaware Categoría:Estaos d'Estaos Xuníos d'América