Apus alexandri o Andarón de Cabu Verde ye una pequeña ave de la familia de los andaróns que solo habita nes islles de Cabu Verde. La so denominación fai honor a Boyd Alexander, un ornitólogu inglés que lideró dos espediciones a les islles nel añu 1897.
Hábitat Esisten rexistros de la so presencia en toles islles de Cabu Verde sacante en Santa LLucía de Cabu verde, anque ye probable que solo añere en Santiago, Fogo, Brava, Santu Antão y São Nicolau. Polo xeneral ye una especie común con una población estable y nun-y la considera amenazada. Puede reparase volando sobre tolos hábitats y caza mientres el so vuelu inseutos, alimentándose en bandaes sobre ribayos y a lo llargo de cantiles y la mariña del mar.
Descripción El so cuerpu mide en permediu 13 cm de llargor y les sos ales tienen una envargadura de 34 a 35 cm. El so plumaxe ye de color gris escuru-amarronáu con una gran mancha pálida nel so gargüelu. Comparáu con otros andarones qu'habiten les islles ye más pequeñu, les sos ales son más curties. El so vuelu ye más débil y más solmenáu. Realiza una llamada bien aguda.
Constrúi'l so nial nun resquiebru nun cantil, nun covarón o nel techu de dalguna construcción. El nial tien forma de platu y ta construyíu con camperes y plumes. Los güevos son de color blancu y la puesta polo xeneral ye de dos güevos.
Referencies
Mike Danzenbaker's Cape Verde Swift (Apus alexandri) Photo Page
Bibliografía Phil Chantler, Gerald Driessens: A Guide to the Swifts and Tree Swifts of the World. Pica Press, Mountfield 2000, ISBN 1-873403-83-6 Clarke, Tony; Orgill, Chris & Dudley, Tony (2006) Field Guide to the Birds of the Atlantic Islands, Christopher Helm, London Snow, D. W. & Perrins, C. M. (1998) Birds of the Western Palearctic: Concise Edition, Vol. 1, Oxford University Press.
Enllaces esternos
Categoría:Apus Categoría:Aves de Cabu Verde Categoría:Animales descritos en 1901