Clifford Donald Simak foi un periodista y escritor de ciencia ficción d'Estaos Xuníos.
N'estudiando na universidá de Wisconsin, treslladóse a Minneapolis (Minnesota), onde exerció'l periodismu mientres bastante tiempu enantes de convertise n'escritor, trabayando pa diversos periódicos del Mediu Oeste. En plena dómina pulp publicó'l so primer rellatu El mundu del sol coloráu (1935). nun volvería publicar hasta la Edá d'Oru, onde formó parte del llamáu círculu de Campbell.
A él deben dos de les obres más significatives del xéneru: Ciudá (1952), cola cual llogró'l International Fantasy Award y Estación de tránsitu (1963), cola que llogró un Premiu Hugo a la meyor novela en 1964.
A partir de mediaos de los años 60, influyíu pola nueva fola, la so obra sufre un notable cambéu.
En 1976 recibió'l prestixosu gallardón Gran Maestru de la SFWA, premiu en reconocencia al llabor de toa una vida dedicada a la ciencia ficción.
En 1988 fina en Minneapolis a la edá de 83 años.
Carauterístiques de la so obra
Simak escribió ciencia ficción sociolóxica —collaboró por casu mientres el primer ciclu de Venture Science Fiction—, pero tamién plantegó nes sos obres los problemes del tiempu, de la téunica y del futuru.
En delles de les sos obres, Simak resucita dragones, pantasmes, silfos, gnomos y faes n'universos onde lluchen terrestres y estraterrestres.
Bibliografía
Noveles
Cosmic engineers (1939) Hobbies (1946) Una y otra vez (1951). Time and again Ciudá (1952). City Un aniellu alredor del sol (1953). Ring around the sun El tiempu ye lo más simple (1961). Time is the simplest thing Estación de tránsitu (1963). Way station Caminaben como Homes (1963). Thew Walked Like Men Estranxeros nel universu (1964). Strangers in the Universe Tola carne ye yerba (1965). All flesh is grass Dexáilos nel cielu (1967). Why call them back from heaven? El proyeutu del home llobu (1967). The werewolf principle Los fíos de los nuesos fíos (1973). Our children's children El planeta de Shakespeare(1976). Shakespeare's planet Heriedu d'estrelles (1977). A heritage of stars L'autopista de la eternidá (1986). Highway of eternity Flores Aciares (2000). All Flesh is Grass
Escoyetes de rellatos
¡Mundos ensin fin! (1967). Worlds without End
Referencies
Enllaces esternos
Bibliografía Clifford D. Simak y el so tratamientu en castellán Reseña d'Estación de tránsitu. En castellán Parallel Worlds of Clifford D. Simak n'inglés
Categoría:Escritores d'Estaos Xuníos Categoría:Escritores de ciencia ficción Categoría:Escritores n'inglés Categoría:Ganadores del premiu Hugo