Hugo Alvar Henrik Aalto, internacionalmente conocíu como Alvar Aalto foi un importante arquiteutu y diseñador finlandés. Formó parte del Movimientu Modernu y participó nos CIAM (Congresos Internacionales d'Arquiteutura Moderna). Foi l'únicu arquiteutu de la Segunda xeneración del Movimientu Modernu reconocíu como «maestru», oldeándose asina a los grandes maestros del Periodu heroicu del Movimientu Modernu Le Corbusier, Mies van der Rohe y Gropius.Jean-Paul Nel so honor concédese cada cinco años el premiu Premiu Alvar Aalto.
Biografía thumb|Los Congresos Internacionales d'Arquiteutura Moderna, embrivíos CIAM, fueron unes xuntes d'arquiteutos modernos que tuvieron llugar en diversos llugares d'Europa.Como primer y perbreve averamientu, ver Un primer bloque d'ellos, fundamentalmente apoderáu pola presencia d'arquiteutos vanguardistes alemanes, celebróse enantes de la Segunda Guerra Mundial y trató los temes típicamente funcionalistes (analises de percorríos, analises de superficies habitables, vivienda mínima), diendo de menos a más, esto ye, empezando a estudiar la vivienda nel CIAM I, dempués el barriu y dempués la ciudá. Esti primer bloque produció la Carta d'Atenes, síntesis de la ideoloxía moderna sobre la ciudá, basada nel criteriu de zonificación, llargamente espublizada tiempu dempués y mal entendida davezu al tomase como dogma y nun faese llectures crítiques. Tres la guerra los congresos vuelven a entamar, faciéndose más multitudinarios. La figura de Le Corbusier (na imaxe), que lideró munchos d'ellos, pasó a perder importancia frente a los arquiteutos del llamáu Team X, que provocaron la crisis última y la disolución de los CIAM, proponiendo una revisión de l'arquiteutura moderna.
Aalto nació en Kuortane, nel senu d'una familia de cultura occidental clásica. El so padre, Johan Henrik Aalto, quien realizaba proyeutos medioambientales, púnxo-y en contautu cola proteición finlandesa pa cola naturaleza. So madre, Selma Mathilda Hackstedt, yera profesora.
Estudió bachiller en Jyväskylä y arquiteutura no que güei ye la Universidá Politéunica de Helsinki, onde dellos profesores, y n'especial Armas Eliel Lindgren, pertenecíen al nacionalismu románticu, movimientu artísticu que buscaba nos raigaños históricos y identitarios de Finlandia pa eponderala. En 1917 alístase na Guerra Civil Finlandesa, entamada en 1918. Dempués de graduase en 1921 realizó un llargu viaxe d'estudios pel norte d'Europa. En 1923 abrió'l so propiu estudiu d'arquiteutura en Jyväskylä. En 1925 casó con Aino Marsio, arquiteuta que collaboró en dellos de los sos proyeutos. Los dos xuntos viaxaron per Europa Central ya Italia. Mientres esa década participó del pensamientu de delles vanguardies, especialmente de Bauhaus, y estableció contautos con artistes y críticos, ente los que destacó Laszlo Moholy-Nagy. En 1928 foi nomáu miembru de los CIAM, los congresos más importantes d'arquiteutura moderna, nos que participaben arquiteutos de la categoría de Le Corbusier y Sert. Tamién collaboró un tiempu con Erik Bryggman, quien los encamentó a adoptar una modernidá más pura y funcionalista, enfrentándolo al clasicismu nórdicu de les sos primeres obres.
En 1927 treslladóse primero a Turku y depués a Ḥélsinki en 1933, siendo yá un arquiteutu de cierta reputación. La esposición de muebles en Londres d'esi añu, entamada por P. Shand, foi la primera de les munches esposiciones internacionales de la so obra, como la del MOMA en 1938. En 1935 la so esposa Aino Marsio, Marie Gullichsen y él fundaron la empresa Artek, dedicada a la producción en serie de los diseños de la pareya d'arquiteutos. Pa ella diseñó la primer siella sofitada nuna estructura de madera autoportante, que foi patentada. Una de les sos pieces clásiques de la producción empresarial ye'l xarrón Aalto, tamién llamáu Savoy.
Trabayó mientres unos años nel estranxeru, volviendo a Finlandia en 1940, acabada la Primer guerra ruso-finlandesa. Unu de los sitios onde moró foi Estaos Xuníos, onde foi nomáu profesor d'arquiteutura nel Institutu Teunolóxicu de Massachusetts (MIT poles sos sigles n'inglés) de Boston. left|thumb|left|Efixe d'Aalto nun sellu finlandés.
En 1942 escoyóse-y presidente de la Asociación d'Arquiteutos Finlandeses. Rematada la Segunda guerra ruso-finlandesa en 1944 realizó dellos proyeutos urbanísticos una vegada nomáu xefe de la oficina estatal establecida pa la reconstrucción del país. Mientres la Segunda Guerra Mundial entró en contautu col clasicismu nazi de la mano del so principal representante, Albert Speer. Ente 1946 y 1948 vivió n'Estaos Xuníos, subsistiendo como arquiteutu y profesor. Entós conoció a Frank Lloyd Wright.
Primero de la muerte de la so primer esposa Aino Marsio, los trabayos espublizaos na oficina taben usualmente roblaos como «Aino and Alvar Aalto». Aino collaboraba direutamente como diseñadora n'aspeutos domésticos de los proyeutos. El so calter paciente y calmo foi un balance importante na vida impulsiva y poco ortodoxa d'Aalto.En 1949 la so esposa Aino Marsio fina y en 1952 casa con Elissa Mäkiniemi, al igual qu'Aino arquiteuta y collaboradora, quien dirixó la construcción de los proyeutos inacabaos a la so muerte, asocedida'l 11 de mayu de 1976 en Ḥélsinki.
Pensamientu y métodu proyeutual "Los problemes más difíciles nun surden de la busca d'una forma pa la vida actual, sinón más bien del intentu de crear formes que tean basaes sobro verdaderos valores humanos."Alvar Aalto "El verdaderu funcionalismu de l'arquiteutura tien de reflexase, principalmente, na so funcionalidá sol puntu de vista humanu. El funcionalismu téunicu nun puede definir l'arquiteutura."Alvar Aalto El mesmu Aalto teorizó sobro'l so métodu de proyeutu nel artículu La trucha y el ríu (1947); nél escribió que primero analizaba tolos requisitos del proyeutu y entós, dexábalo de llau p'abocetar idees con trazos cenciellos, hasta atopar aquel dibuxu que solucionara tolos condicionantes de partida de manera satisfactoria. P'Aalto la esperimentación de les idees nun concluyía hasta que'l proyeutu taba construyíu, poniéndose de relieve los sos aciertos y defeutos; los proyeutos, al nun considerase terminaos sobro'l papel, sufríen cambeos mientres les puestes n'obra.
Aalto pápase de l'arquiteutura moderna y internacionalizadora pero, al igual qu'otros arquiteutos de la segunda xeneración, buscó la manera d'amestar les variables de cada territoriu y cultura. Pensaba nes rellaciones de les pieces por sigo mesmes y n'ares d'un tou qu'atendía a cultura, sociedá y allugamientu, estendiendo'l razonamientu a los mesmos materiales. Esto partía n'Aalto, según esprenden los sos escritos, de la esmolición pola humanización de l'arquiteutura, na qu'esta s'entiende como propuesta cultural que respuenda a una sociedá concreta y non solo como daqué funcional y téunicu; la manera de consiguilo yera proyeutando espacios que fueren al empar funcionales y ergonómicos, lo que terminó desaguando na adopción d'una arquiteutura orgánica.
Per otru llau, p'Aalto la pintura y l'arquiteutura influyérense mutuamente, según pensaba que les artes compartíen oríxenes y procesos. Nesti sentíu, viose influyíu polos pintores Paul Cézanne y Fernand Léger, de quien foi amigu. El creyía na inspiración que producíen otres artes; Él dibuxó, pintó y esculpió mientres tola so vida. "The three art forms of architecture, painting and scupulture are linked to one another in that they are all manifestations of the human spirit base on materia", esto ye, la so teória que sofitaba'l fechu de que les artes taben amestaes una con otra como manifestaciones del espíritu humanu en materialidá yeren fundamentales na so vida como arquiteutu.
De fechu nuna descripción de la so obra maestra, la Villa Mairea en Noormarkku, 1938-1939, Aalto confesó. "Nesta edificación los diseñadores buscaron aplicar un conceutu especial coneutáu cola pintura moderna". Un datu importante ye qu'Aalto nel so procesu de diseñu prauticaba la pintura y la escultura, él dicía: "Les pintures y les escultures son una parte del mio métodu de trabayu, pol cual yo nun toi dispuestu a velos por separáu de la mio arquiteutura, como si ellos pudieren espresar daqué más allá d'esto. Son pa mi cañes del mesmu árbol del cual el tueru ye l'Arquiteutura".
Alvar Aalto y la crítica a los CIAM En 1929 Aalto foi convidáu a participar como miembru numberariu del CIAM II en Frankfurt del Main (Alemaña). Nel CIAM III (1930), dedicáu al estudiu de la vivienda, espón prototipos de viviendes estandarizaes. Dempués pierde l'interés pol funcionalismu puru y gánalu pola modernidá espresionista y l'arquiteutura orgánica, amosando almiración por arquiteutures como les de Frank Lloyd Wright. Influyíu pola arquiteutura de corte nacional del so país, Alvar Aalto participó viviegamente nos CIAM defendiendo una postura humanizadora y criticando'l funcionalismu convertíu en formalismu. La so propia arquiteutura aburúyase pa poder responder a los condicionantes particulares de cada proyeutu con elegancia y xenialidá. Asina mesmo enfrentóse cola estética maquinista, fría y alloñada de la xente, mesmo na arquiteutura como nos muebles y otros oxetos. Arriendes d'esti interés estudió con Aino la flexibilidá de la madera llaminao como material templáu, pa la producción en serie d'oxetos cotidianos construyíos con ella.
La so postura nos CIAM, representada polos sos propios proyeutos, criticó en definitiva la concepción moderna del Estilu Internacional, destacando la dualidá ciencia-arte de l'arquiteutura y respetando l'aportación de la psicoloxía.
Etapes artístiques Romanticismu nacional thumb|Catedral de Tampere, obra medievalista de Lars Sonck, a quien Aalto almiraba na so dómina d'estudiante. thumb|Llar del periódicu Turun Sanomat en Turku, considerada como primer obra dafechu racionalista d'Aalto. Anque la obra d'Aalto nun puede incluyise nesta categoría, el Romanticismu nacional, nacíu como movimientu social en 1891 en reaición a los dominios suecu y rusu, marcaba entá l'arquiteutura y l'ámbitu académicu finlandés na so dómina d'estudiante. L'arquiteutura finlandesa venceyada al movimientu buscó referencies nacionales na cultura medieval. Gracies a esto recuperáronse los materiales tradicionales: madera, piedra y lladriyu. Otres artes viéronse afeutaes, exemplos son la música (Jean Sibelius) y la pintura (Akseli Gallen-Kallela). Exemplu d'arquiteutu románticu nacionalista foi Lars Sonck, por quien Aalto sintió almiración na so mocedá. La so influyencia quedó patente na ilesia de Mikaelinkkirko (Turku, rematada en 1905), que'l so concursu ganó siendo estudiante, realizada n'estilu neogóticu y construyida en piedra.
Según avanzaben los primeros años del sieglu XX, sicasí, los arquiteutos finlandeses diversificaron les sos influyencies y el Romanticismu nacional perdió adeptos al igual que lu fixeron les corrientes acomuñaes de la so dómina, como l'Art Nouveau belxicanu y el Modernismu español.
Clasicismu nórdicu Acabante empecipiar la segunda década del XX el Clasicismu caló con fuercia ente los países del norte d'Europa. Los güeyos vuélvense pa Italia una vegada más na historia del arte. El mesmu Aalto estudió y escribió sobro'l país en visitándolo cola so esposa. Esta corriente foi la dominante nos últimos años como estudiante del arquiteutu y nos primeros como profesional, lo que de xuru-y dotó de les referencies clásiques que pueden atopase na so obra. Delles de les sos primeres obres revelen la influyencia d'esta corriente, especialmente influyíu por Gunnar Asplund, principal arquiteutu clásicu suecu de la dómina.
Racionalismu