Beowulf (pr. /ˈbeɪəwʊlf/ o tamién [ˈbeːo̯wʊɫf]), ye un poema épicu anglosaxón anónimu escritu en inglés antiguu en versu aliterativu. Cuenta con 3182 versos.
Tanto l'autor como la fecha de composición del poema desconócense, anque los discutinios académicos suelen proponer feches que van dende'l sieglu VIII al XII d. C. La obra caltiénse nel «Códiz Nowell» o «Cotton Vitellius A.xv» y, dada la fama del poema, a pesar de que convive con otres obres nel mesmu manuscritu, esti diose en llamar «Manuscritu Beowulf». Anque'l poema nun tien títulu nel manuscritu, llamóse-y Beowulf dende principios del sieglu XIX; caltiénse na Biblioteca Británica.
Tien dos grandes partes: la primera asocede mientres la mocedá del héroe gauta (o geata, en delles traducciones, "godu") que da nome al poema, y narra cómo allega n'ayuda de los daneses o xutos, quien sufríen los ataques d'un jotun xigantescu –Grendel–, y en matando a ésti, enfréntase a la so tarrecible madre; na segunda parte, Beowulf yá ye'l rei de los gautes y llucha hasta la muerte con un feroz dragón.
La so importancia como epopeya ye equiparable a la del Cantar de los nibelungos xermanu, el Cantar de mio Cid español, la Cantar de Roldán francesa o'l Lebor Gabála Érenn (Llibru de les Conquistes d'Irlanda).Shippey, TA (Summer 2001). "Wicked Queens and Cousin Strategies in Beowulf and Elsewhere, Notes and Bibliography". In the Heroic Age (5). Mientres el sieglu XX, ficiéronse incontables estudios y alderiques alredor de distintos aspeutos del poema.
Xénesis del poema
Contestu de producción Los eventos narraos nel poema épicu col nome de Beowulf tendríen llugar en dalgún momentu ente los sieglos V y VII d. C. Reparar los fechos históricos acaecíos mientres esti periodu de la Edá Media puede ayudar a entender ciertos factores qu'incidieron na composición del poema y les problemátiques que se reflexen nel mesmu.
Como apunta Borges, nesti periodu dieron les invasiones bárbares:
N'efeutu, esti sieglu ye un periodu históricu complicáu nel que, tres de la retirada de los romanos, los invasores qu'arriben a les Islles Britániques foron moviendo a los antiguos habitantes (los celtes, depués llamaos bretones), y prodúcense cambeos llingüísticos importantes.
Los invasores xermanos, que yeren anglos, xutos y saxones per un sitiu, y noruegos y daneses por otru, cuntaben con un fondu léxicu común, pero'l sistema flexivu presentaba ente'l primer grupu y el segundu diferencies abondes como pa que la so utilidá nun llevara al so bonu caltenimientu. D'esta suerte, l'enclín natural de les llingües xermániques a perder soníos de la parte final de la pallabra viose fuertemente intensificada nel casu de la formación y evolución del anglosaxón.
Na periodización de la hestoria de la llingua inglesa, esti periodu ye conocíu como Old English o inglés antiguu, teniendo como fecha d'entamu'l añu 449 d. C., precisamente l'añu de les invasiones xermániques. Ponse como tope la fecha del añu 1066 d. C, cuando empieza'l periodu Middle English o inglés mediu.
Problemes pa una teoría xenética Los acontecimientos que'l poema narra tienen llugar ente'l sieglu V y el VI de la dómina cristiana nel sur d'Escandinavia (en concretu, en Escania y en Selandia). Sicasí, la fecha precisa en que'l cantar foi compuestu ye bien aldericada. Les opiniones de los estudiosos afiten la creación del poema ente los sieglos VIII y XI.
El primer problema pa la datación ye decidir si Beowulf tien un orixe puramente amestáu a la so forma actual (la d'un poema heroicu) o non. F.A. Blackburn trabaya sobre la xénesis del testu con trés hipótesis:
El poema tien el so orixe nel folclor paganu, nun conxuntu de lleendes individuales sobre la figura del héroe Beowulf que foron axuntaes y ensamaes por un copista cristianu.
El poema, na so forma actual, redactóse por un copista cristianu que se basó en cantares yá esistentes, lo que quier dicir que yá esistía un poema sobre Beowulf que se perdió.
Compúsose, con base en cantares y lleendes previes, por un autor paganu, y darréu "cristianizáu" por un copista.
Pela so parte Kevin Kiernan suxer que'l poema nació na so forma actual, esto ye: que la composición oral y la trescripción foron contemporánees. Kiernan propón el sieglu XI como fecha de la xesta del poema por cuenta de pruebes paleontolóxiques y filolóxiques. J. R. R. Tolkien pensaba que l'orixe del testu ye anterior a la fixación escrita del mesmu:
Nesi sen, Tolkien coincidía con Robert William Chambers, quien cuntaba que'l cuentu popular foi la fonte principal del Beowulf.
La fecha más utilizada polos estudiosos ye la del sieglu VIII d. C.
Manuscritu
Procedencia El propietariu más antiguu que se conoz del manuscritu vivió nel sieglu XVI: l'eruditu Lawrence Nowell, de quien recibió el so nome el códiz, a pesar de que la signatura oficial del mesmu ye «Cotton Vitellius A.xv» gracies a Robert Bruce Cotton. Kevin Kiernan sostién que Nowell adquiriólu dablemente en 1563 gracies a William Cecil, primer barón de Burghley, cuando aquel entró na casa d'esti postreru pa instruyir a Edward de Vere, decimoséptimu conde d'Oxford y discípulu de Cecil.
El manuscritu pasó a formar parte de la Biblioteca Cotton, onde sufrió daños irreparables de resultes d'una quema en Ashburnham House en 1731. Pola mor d'esti episodiu, parte del manuscritu deterioróse y perdiéronse dalgunos carauteres. Dellos intentos de restauración, a pesar d'evitar el deterioru progresivu, terminaron cubriendo delles otres lletres del testu, provocando perdes tamién. Kiernan, docente na Universidá de Kentucky, impulsó nos últimos años el proyeutu de dixitalización y caltenimientu del poema, conocíu como Electronic Beowulf Project (Proyeutu Beowulf electrónicu). Pa esta iniciativa utilizáronse téuniques avanzaes freba óptica que revelaron dalgunos de los símbolos perdíos a lo llargo de los años. Procedimientos asemeyaos emplegáronse na restauración y l'analís del Cantar de mio Cid.
El poema Beowulf conozse gracies a un únicu manuscritu, que la so fecha envalorada ronda l'añu 1000 d. C. Kiernan afirmó qu'esti manuscritu ye una copia fecha pol mesmu autor del poema mientres el reináu de Canutu II de Dinamarca. Nel códiz nel que'l Beowulf sobrevive anguaño, atópense tamién otres pieces poétiques como fragmentos de The Life of Saint Christopher, les Cartes d'Alexandru a Aristóteles y Wonders of the East, y la parte de la paráfrasis bíblica Judith. Datóse ente 1628 y 1650 la foliación más temprana del «Códiz Nowell», que foi llevada a cabu por Franciscus Junius. El propietariu del códiz –anterior a Nowell– desconozse inda.
Tanto'l reverendu Thomas Smith (1638–1710) como Humfrey Wanley (1672–1726) asumieron la responsabilidá de catalogar la Biblioteca Cotton, na que taba'l «Códiz Nowell». El catálogu de Smith apaeció en 1696 y el de Wanley en 1705. El manuscritu de Beowulf méntase per primer vegada en 1700 na correspondencia que sostuvo George Hickes, asistente de Wanley, y el so xefe. Na carta, Hickes contesta en rellación a un supuestu cargu escontra Smith, acusáu por Wanley de pasar per alto'l poema al faer el catálogu del «Cotton Vitellius A.xv». Hickes escribe al so superior qu'inda nun foi quien a dar col susodichu Beowulf. Según delles teoríes, Smith nun alvertiría la presencia de la epopeya pola so escesiva enfotu en catalogaciones previes o porque nun se topaba nel códiz nel momentu de la so revisión.Amás, los cantares del trovador de Hroðgar tienen un fuerte ingrediente cristianu que enfurece a Grendel por ser una criatura demoníaca descendiente de Caín.
Argumentu L'aición asocede en Dinamarca (en concretu na islla de Selandia), au l'espléndidu palaciu Heorot ('El Ciervu') vese asoláu polos mortales asaltos nocherniegos del troll Grendel (un Jotun). La música y alegría que s'oye na sala noxa al monstru, que mora nes llamuergues. Grendel ensáñase colos criaos y guerreros del rei Hroðgar y taramiéllalos. (El trovador nun ye tal, nin ye tampoco un bardu, como se diz más palantre, sinón un 'escopo' o 'escope', que ye como se traduz del inglés scop el nome d'esti poeta cantor de les cortes de Gran Bretaña).
Los ataques del ogru obliguen a la corte d'Hrothgar a abandonar la sala mientres la nueche. Esta situación enllárgase 12 años,Beowulf, vv. 146-147, p. 30 nos que vase espardiendo peles tierres nórdiques el rellatu sobre la difícil situación del rei danés. Estes hestories lleguen a oyíos de Beowulf,Beowulf, v. 195, p. 31 un valiente héroe gauta que parte n'auxiliu del monarca xunto con 14 guerreros.
Beowulf, sobrín del rei de Gëatlantt (o Götaland, Gotlandia o Gotland o Gautlandia, parte d'Escania, na Suecia meridional), ufre la so ayuda a Hrothgar.Beowulf, vv. 424-426, p. 38 La primer impresión de Hrothgar ye d'escepticismu frente a les pretensiones del desconocíu héroe, pero recíbelu xentilmente, y al cabu d'una bona llacuada encamiénta-y la xera al recién llegáu. Los daneses abandonen la sala y déxenla so la vixilancia de los gautes. Grendel torna esa mesma nueche a Heorot, valtia les sos sólides puertes y taramia a ún de los guerreros.Beowulf, vv. 720-745, p. 47 Beowulf espiértase pol xaréu y allega n'ayuda de la guardia, entamando una llucha cuerpu a cuerpu, ensin armes, col monstru, que namái pue lliberase del so agresor perdiendo a cambéu ún de los sos brazos y fuxendo mancáu a morrer na so cueva.Beowulf, vv. 816-822, p. 49
La reina Welto premia a Beowulf con un collar y faise una celebración nel so honor.
Cantar II A la mañana siguiente, too ye gayola n'Heorot; pero pela nueche, la madre de Grendel – muncho más feroz que'l so fíu – preséntase pa vengalu. Mata a Ésker, home d'Hroðgar, y fuxe llevándose'l brazu del so fíu.Beowulf, vv. 1294-5, p. 65
Beowulf y el so comitiva siguen el rastru de la criatura al traviés de la pradería hasta la so cueva,Beowulf, vv. 1403-7, p. 68 y atópenla dempués de tar nadando cuasi un día nes fondures d'un llagu atestáu de criatures sobrenaturales. Beowulf y la ogresa combaten nun sitiu submarín allumáu por un fueu inesplicable. El gauta, cuando ta a puntu de ser derrotáu, atopa una xigantesca espada cola que mata a la ogresa.Beowulf, vv. 1557-1569, p. 73 L'héroe taraza la cabeza del cadabre de Grendel, y retorna a Heorot colos sos trofeos.
Fecha la llacuada y apurríes les riqueces prometíes por Hroðgar, l'héroe parte de regresu a la so tierra.
Cantar III De regresu en Gautlandia, Beowulf entrevístase col so tíu Hygelac y cúnta-y de les sos fazañes en tierres daneses.Beowulf, v. 2000, p. 86 Dambos intercambien regalos y anúnciense futures hostilidaes ente los gautes y los headobardos.
Cantar IV Beowulf, yá vieyu, reinó por cincuenta años dempués d'asoceder a Hygelac, muertu en batalla.Beowulf, v. 2020, p. 93 Na última etapa de la so vida, Beowulf dispónse a enfrentase, cola sola ayuda del so sobrín Wiglaf, a un tarrecible dragón que ta destruyendo'l so reinu.
Un arteru y ardigosu lladrón entrara na cueva del dragón y robara una copa de plata encuallada d'oru y piedres precioses,Beowulf, v. 2031, p. 94 parte de la descomanda ayalga que guarda la bestia. Enfurecíu, el dragón asalta y afara'l pueblu del lladrón, y mata a tolos sos habitantes. Beowulf sale al so alcuentru pa vengar a la so xente, pero la reaición del dragón axorizara tanto a los sos súbditos,Beowulf, v. 2598, p. 105 que namái Wiglaf s'apresta p'acompañalu. right|thumb|Llomba de Skalunda, en (Västergötland, Suecia), identificada pol arqueólogu suecu Birger Nerman como'l túmulu de Beowulf.