Melanophyllum haematospermum, tamién conocida comúnmente como lepiota de llámines coloraes, ye un fungu basidiomicetu pocu frecuente del orde Agaricales qu'habita na mayor parte d'Europa. Crez nuna gran diversidá de sustratos, como suelos grasos, debaxo de fayes, carbayu, llugares quemaos y húmedos, ente arbustos, en zones marxinales de los caminos o en basureros ricos en nitróxenu. Tien un golor afrutado o a rábanu, y el so sabor ye duce, pero nun ye una cogorda comestible.
Descripción La cogorda, o cuerpu granible, d'esti fungu presenta un sombreru bien pequeñu, d'ente 1 y 3 centímetros de diámetru, convexu o cónicu de primeres, y planu con un mamelón central n'exemplares vieyos. La superficie del sombrerucu ye seca, de testura granosa bien fina. El so color ye variable, dende'l marrón acoloratao hasta'l pardu escuru casi negru. El cantu presenta restos del velo, que-y confieren un aspeutu irregular. Les llámines son llibres, anches y ventrudes, de color rosado escuru n'exemplares nuevos y más tarde de color coloráu sangre bien escuro. El pie ye buecu, d'un color paecíu al del sombreru y tien un altor d'ente 2 y 4 centímetros y un diámetru ente 0,2 y 0,4. La esporada ye gris oliváceo o acoloratada, y la so carne ye blancucia nel sombrerucu y colorada nel pie, daqué más escura na parte más cercana al suelu, con un golor paecíu al del rábanos y sabor duce, anque non comestible.
Referencies
Enllaces esternos
Categoría:Agaricaceae
Categoría:TBSpecies