Rapa Nui ye una película de1994 dirixida por Kevin Reynolds y producida por Kevin Costner y Barrie M. Osborne, ente otros. La trama basase en lleendes de la Islla de Pascua o Rapa Nui (nel so idioma orixinal), Chile, sobre manera la que se refier a la carrera pol güevu del manu tara o Tangata Manu. Los detalles históricos son discutibles, pero la tema central - la destrucción de los montes irremplazables de la islla - ta bien autenticáu.
Repartu principal Jason Scott Lee - Noro Esai Morales - Make Sandrine Holt - Ramana Eru Potaka-Dewes - Ariki-mau Gordon Hatfield - Riro
Argumentu La rivalidá ente les tribus conduz a un concursu p'alzar una estatua enorme (moái) nun tiempu récor antes de tomar parte na carrera pa recuperar el güevu. El pagu por ganar esta carrera ye'l gobiernu políticu de la Islla mientres un añu.
Cuestiones d'exactitú histórica La película puede ser considerada como una historia entestada del colapsu de la civilización de la Islla de Pascua, por casu, la tribu tien de baltar tolos árboles que queden pa mover el moai al so sitiu. A la fin, Noro y Ramana intenten fuxir de la Islla nuna canoa especial, construyida pol padre de Ramana.
La trama entemez elementos de dos periodos - la era de los moai y el cultu a Tangata manu o l'home páxaru". Magar el conflictu ente les oreyes llargues y les oreyes curties foi real, acabóse muncho primero de que'l cultu a Tangata Manu empezara.
El nome Rapa Nui, d'usu común, nun foi'l nome nativu orixinal (Rapa Nui foi nomáu por navegantes tahitianos del sieglu XIX), que legendariamente foi Te Pito O Te Henua, "l'embelicu de la Tierra", anque hai otres alternatives.Islla de Pascua: primeros testigos
Ver tamién Colapsu (llibru) de Jared Diamond, que detalla la deforestación histórica de la Islla de Pascua, xunto con otres cuentes de cómo les sociedaes colapsen o tienen ésitu.
Referencies
Enllaces esternos