La islla Richards (n'inglés: Richards Island) ye una islla despoblada del árticu canadianu que s'alcuentra n'agües del mar de Beaufort, perteneciente a los Territorios del Noroeste.
Xeografía La islla Richards alcuéntrase bien próxima a la frontera occidental con Alaska, nel delta del ríu Mackenzie, siendo la mayor islla del estuariu. Ta dixebrada de tierra, nel so estremu oriental, pola canal principal del Mackenzie y la canal Reindeer ye la so llende occidental.
Tien una superficie de 2.165 km², siendo, por tamañu, la 35ª de Canadá y la 196ª del mundu. Ye una islla bien baxa, de tipu estuarino, travesada por pequeños canales, güelgues y cientos de pequeños llagos y llagunes (con un permediu de 33 ha de tamañu). Tien un llargor d'unos 100 km en direición E-O y unos 40-50 km d'anchor, anque ye difícil precisar les sos llendes. La so mariña norte ta espuesta a les agües del mar de Beaufort, unu de los mares del océanu Árticu.
Una cuarta parte de la islla ta cubierta d'agua, una complexa rede de canales y llagos enxareyaos estremaos poles canales mayores del delta. Munchos de los llagos son formaciones termokárstiques, depresiones formaes pola fusión parcial del permafrost subxacente rellenes d'agua.
Referencies
Enllaces esternos
Categoría:Islles de Canadá