La bandera d'Israel (Hebréu: דגל ישראל Degel Yisra'el, árabe: علم إسرائيل 'Alam Isra'īl) adoptóse'l 28 d'ochobre de 1948, cinco meses depués del establecimientu del Estáu d'Israel. Represéntase nella un hexagrama n'azul sobro fondu blancu, allugada ente dos franxes azules tamién.
El so color azul descríbese como "azul celeste escuro"Israel Ministry of Foreign Affairs publication The Flag and the Emblem by art historian Alec Mishory, wherein he quotes "The Provisional Council of State Proclamation of the Flag of the State of Israel" made on October 28, 1948 by Joseph Sprinzak, Speaker., y varia de bandera a bandera, oscilando d'una tonalidá d'azul puro, a vegaes asolombrao cásique tan escuro como l'azul marín, a una tonalidá d'al rodiu 75% hacia'l cian puro y tonos tan claros como l'azul claro.Varied examples; Flag ~75% toward cyan from pure blue full article:The Flag and the Emblem Accessed July 28, 2006. La bandera diseñóse pol movimientu sionista en 1891. El diseñu básicu evoca'l talit, el mantón xudíu de rezos, que ye blancu con franxes azules o prietes. El símbolu del centru representa la Estrella de David (Magen David), un símbolu xudíu que vien de la Praga medieval, y que s'adoptó pol Primer Congresu Sionista en 1897. En 2007 desplegóse cerca de l'antigua fortaleza xudía de Masada una bandera israelina con unes midíes de 660 m x 100 m y un pesu de 5,2 tonelaes, algamando'l récor mundial de la bandera más grande.
Orixe de la bandera Les franxes azules simbolicen les franxes del talit, el mantón de rezos tradicional xudíu. La representación d'una estrella de David na bandera del Estáu d'Israel ye un perreconocíu símbolu del pueblu xudíu y del xudaísmu.
Los israelites usaben un tinte azul llamáu tekhelet; esti tinte pue ser fecho del cascoxu marín Murex trunculus. Esti tinte yera mui importante ente les cultures, tanto xudía como non xudía, daquella, y usábenlu la realeza y la clas alta pa tiñir la ropa, sábanes, cortines, etc. (El tinte d'un cascoxu rellacionáu pue ser procesáu pa facer el púrpura de Tiru llamáu argaman.)
Na Biblia, ordenóse a los israelites tener ún de los filos de les borles (tzitzit) tiñíu col "tekhelet"; "y el flecu sirvirávos pa que cuando lu veáis vos alcordéis de tolos mandamientos de Yahweh, pa ponelos en práutica (..)" (Númb. 15:39). El tekhelet correspuéndese col color de la relevación divina (Midrash Numbers Rabbah xv.). Nun momentu cercanu al fin de la dómina talmúdica (500-600 d.C.), desanicióse la industria que producía esti tinte. Volvióse más escasu; col colar del tiempu, la comunidá xudía nun supo qué especies de moluscos producíen esti tinte. Dende'l momentu que los xudíos nun yeren pa cumplir con esti mandamientu, dexaron los sos tzitzit de blancu. Sicasí, n'alcordanza del mandamientu d'usar el tinte tekhelet, foi común pa los xudíos texer franxes azules o púrpures na tela del talit.Simmons, Rabbi Shraga. Tallit stripes , About.com's "Ask the Rabbi". Accessed April 3, 2006. La idea de que l'azul y el blancu yeren los colores nacionales del pueblu xudíu enuncióla primero Ludwig August Frankl (1810-1894), un poeta xudíu austriacu. Nel so poema Juda's Farben (los colores de Xudá), escribió:
En 1885, l'aldea agrícola de Rishon LeZion usó una bandera azul y blanca diseñada por Israel Belkind y Fanny Abramovitch nun desfile que conmemoraba'l so tercer aniversariu. The first families, Jerusalem Post En 1891, Michael Halperin, ún de los fundadores de l'aldea agrícola Nakhalat Reuven, enarbolió una bandera azul y blanca asemeyada con un hexagrama azul y les lletres "נס ציונה" (Nes Tziyona, "un estandarte pa Sión": una referencia a Xeremíes 4:6, llueu adoptao como nome actual del llugar). En 1891 la Sociedá Educativa Bnai Tzion usó una bandera azul y blanca, con una Estrella de David y la pallabra hebrea "Macabéu". Jacob Baruch Askowith (1844-1908) y el so fíu Charles Askowith diseñaron la "bandera de Xudá", presentada'l 24 de xunetu de 1891, na inauguración de la Sala de Sion de la Sociedá Educativa Bnai Tzion en Boston. Basada nel talit tradicional, esta bandera yera blanca con franxes azules estreches cerca los bordes y llevaba nel centru l'antigua estrella de David de seis puntes cola pallabra "Macabéu" en lletres doraes.
thumbnail|right|Bandera propuesta por Herzl como foi proyectada nos sos diarios. Anque dibuxara una Estrella de David, nun la describó como tal.
En 1896, Herlz declaró nel so Der Judenstaat:
David Wolffsohn (1856-1914), un importante empresariu del primer movimientu sionista, decatóse que'l naciente movimientu sionista nun tenía dal bandera oficial, y que'l diseñu propuestu por Theodor Herzl nun agarraba puxu, y escribió:
thumb|Presos lliberaos del campu de concentración de Buchenwald enarboliando una bandera fecha a mano nel so camín pa Palestina, 1945. thumb|Foto contemporánea amosando la bandera d'Israel.
Mentanto esta bandera enfatizaba los símbolos relixosos xudíos, Theodor Herzl quería que la bandera tuviera símbolos más universales: siete estrelles doraes simbolizando la xornada de siete hores de trabayu del futuru estáu lliberal, que tendríen les llexislaciones socialistes avanzaes.
En 1897, el Primer Congresu Sionista celebróse en Basilea, pa considerar el restablecimientu d'una patria xudía en Palestina. Morris Harris, un miembru del Hovevei Zion de New York, usó la so tienda de toldos pa diseñar un estandarte y decoraciones afayadices pa la receición, y la so ma Lena cosió la bandera. La bandera fíxose con dos franxes azules y una gran Estrella de David azul nel centru, elixendo los colores azul y blancu del diseñu del talit. La bandera yera de 3,048 metros por 1,8288 metros —10 por 6 pies, les mesmes proporciones que la bandera norteamericana— y conocióse como la Bandera de Sion. Aceptóse como la badera oficial sionista nel Segundu Congresu Sionista celebráu en Suiza en 1898, y l'Estáu d'Israel adoptó posteriormente'l diseñu como bandera oficial, tres la declaración d'independencia d'Israel en 1948.http://history.state.gov/milestones/1945-1952/arab-israeli-war
Una bandera con franxes azules y blanques y un Magen David nel centru enarbolióse xunto a les d'otres nacionalidaes dende ún de los edificios de la Esposición Universal de Saint Louis de 1904.Zionism article (section Wide Spread of Zionism) by Richard Gottheil in the Jewish Encyclopedia, 1911 Enarbolióse ellí darréu de los grandes aconceyamientos de sionistes. Esa esposición foi la feria mundial na que se celebraron los Xuegos Olímpicos de 1904.
Interpretación de los colores
Color SignificáuBlancu Chesed (Benevolencia divina) Símbolu de la lluz, la honestidá, la inocencia y la paz. Azul Simboliza la gloria de Dios, la pureza y la Gevurah (severidá de Dios)Numbers Rabbah 14:3; Hullin 89a.Éxodu 24:10; Ezequiel 1:26; Hullin 89a. Símbolu de la confianza, la llealtá, la sabencia, la seguridá, la intelixencia, la fe, la verdá y el cielu.
Crítiques
De los árabes israelinos Dalgunos políticos árabes israelinos, amás del Altu Comité de Siguimientu de los Ciudadanos Árabes d'Israel, pidieron una revaloración de la bandera israelina, argumentando que la Estrella de David nel centru la bandera ye un símbolu esclusivamente xudíu.
De los xudíos ortodoxos Los khasidim opunxéronse encaloradamente al naciente sionismu y frecuentemente protestaron contra los sionistes. Mesmo prohibieron la Estrella de David, orixinalmente un símbolu relixosu qu'apaecía solo nes sinagogues, qu'agora fuera "profanada" polos sionistes. El rabín Moshe Feinstein denomó la bandera israelina como un "oxetu ridículu y ensin sentíu" y desaconseyó'l so usu nes sinagogues. El Chazon Ish escribió qu'había qu'evitar rezar nuna sinagoga decorada cola bandera israelina mesmo si nun había nenguna otra cerca.Yakov Rabkin. Judaism vs Zionism in the Holy Land, A Threat from Within: A Century of Jewish Opposition to Zionism, Fernwood/Zed Books, 2006. Ovadia Yosef, antiguu gran rabín sefardín d'Israel, prohibió tamién enarboliar la bandera israelina nes sinagogues, denomándolo como "un recordatoriu de los actos de los malvaos". El rabín Joel Teitelbaum refirióse a la bandera como la "bandera de la herexía" y consideróla como un oxetu d'idolatría. Los xudíos ultraortodoxos n'Israel nunca nun usen la bandera israelina y hai grupos marxinales que la quemen nel día de la independencia d'Israel.
Conxura "del Nilu al Éufrates"
Ye una conxura popular nel mundu árabe la idea de que les franxes azules na bandera israelina representen de fechu los ríos Nilu y Éufrates como llendes del Eretz Yisra'el, la tierra prometida a los xudíos por Dios según la Biblia.Genesis 15.18: "The Lord made a covenant with Abram, saying unto thy seed have I given this land from the river of Egypt unto the great river, the River Euphrates." Los que sofiten esta idea insisten en que la bandera "secretamente" representa'l deséu de los xudíos de conquistar tola tierra ente'l Nilu y l'Éufrates, lo qu'implicaría conquistar y dominar sobre gran parte d'Exiptu y Siria, toa Xordania, y parte d'Iraq. Yasser Arafat, Irán y Hamas tamién lo xustificaron,Playboy Interview: Yasir Arafat, Playboy, September 1988.ARAFAT: Yes, because they don't want it. Look at the slogans they use: that the land of Israel is from the Euphrates to the Nile. This was written for many years over the entrance to the Knesset, the parliament. It shows their national ambition—they want to advance to the Jordan River. One Israel for them, what's left for us... Do you know what the meaning of the Israeli flag is? PLAYBOY: No. ARAFAT: It is white with two blue lines. The two lines represent two rivers, and in between is Israel. The rivers are the Nile and the Euphrates. y repetidamente rellacionaron esta idea coles franxes de la bandera israelina.Rubin, Barry. The PLO between Anti-Zionism and Antisemitism, Background and Recent Developments, The Vidal Sassoon International Center for the Study of Antisemitism, The Hebrew University of Jerusalem, 1993. Accessed April 3, 2006.Rubinstein, Danny. Inflammatory legends , Haaretz, November 15, 2004. Accessed April 3, 2006.
Tanto autores sionistes como antisionistes ridiculizaron l'afirmación de que les franxes na bandera representen aspiraciones territoriales. Daniel Pipes menta que "de fechu, les llinies azules deriven del diseñu del mantón tradicional de rezos xudíu",Pipes, Daniel. Imperial Israel: The Nile-to-Euphrates Calumny, Middle East Quarterly, March, 1994. Accessed April 3, 2006. y Danny Rubinstein puntualiza qu'"Arafat... añadió, n'entrevistes que diera nel pasáu, que les dos franxes azules de la bandera israelina representen el Nilu y l'Éufrates... Israelín dalu, mesmo los qu'amuesen comprensión pol sufrimientu palestín, nun aceptará la... idea ensin sentíu sobre les franxes azules na bandera, que foron diseñaes según los colores del talit tradicional (mantón de rezos)". Israel Shakal, críticu constante con Israel y el sionismu, ye igualmente esplícitu. Nel so trabayu The Zionist Plan for the Middle East declara:
Saqr Abu Fakhr, un escritor árabe, tamién faló contra esta idea. Escribió que l'afirmación "del Nilu al Éufrates" en rellación cola bandera ye ún de les siete idees equivocaes y/o mitos populares sobre los xudíos que, anque seya infundao y heba abondes evidencies desmintiéndolo, continúen circulando nel mundu árabe.Abu Fakhr, Saqr. "Seven Prejudices about the Jews", Al-Hayat, November 12–14, 1997. Sicasí, la Carta fundacional de Hamas declara que "llueu de Palestina, los sionistes aspiren a espardese del Nilu al Éufrates", y el 29 de xineru de 2006, el líder de Hamas, Mahmoud al-Zahar, emitió una demanda a Israel pa que cambiara la bandera, mentando l'argumentu "del Nilu al Éufrates".Shiloh, Scott. Mofaz: Hamas Acting Responsibly; Hamas: Israel Must Change Flag, Arutz Sheva, January 30, 2006. Accessed April 3, 2006.
Referencia nes Lleis de Nuremberg