Sofía Hernanz Mariña ye una política ibicenca, diputada nel Parllamentu de les Islles Baleares na V Llexislatura y nel Congresu na X, XI y XII Llexislatures.
Biografía Llicenciada en derechu, trabayó como lletrada del Conceyu d'Eivissa. Militante del PSIB-PSOE, ente 2000 y 2004 foi miembru de la Executiva del partíu y de 2005 a 2006 de la executiva de l'Agrupación municipal d'Eivissa.
Nes eleiciones municipales españoles de 1995 foi escoyida conceyal nel conceyu d'Eivissa pol PSIB-PSOE. Foi escoyida diputada nes eleiciones al Parllamentu de les Islles Baleares de 1999 col Pactu Progresista, según conseyera del Conseyu Insular d'Eivissa y Formentera.
De 2008 a 2011 foi nomada Direutora Insular de l'Alministración Xeneral del Estáu n'Eivissa y Formentera. Foi escoyida diputada nes eleiciones de 2011, 2015 y 2016 y foi miembru de la Diputación Permanente del Congresu y Secretaria Segunda de la Comisión pal Estudiu del Cambéu Climáticu (dende 2012 hasta 2014).
Foi una de les quince persones que votaron 'non' na segunda sesión de invistidura de Mariano Rajoy pa la decimosegunda llexislatura del Gobiernu d'España'l 29 d'ochobre de 2016.«Rajoy, investido presidente gracias a la abstención de todos los diputados del PSOE excepto 15».
Referencies
Enllaces esternos «Sería absurdu ignorar a los ´indignaos´; tenemos qu'escucha-yos y camudar coses». Entrevista pal Diariu d'Eivissa'l 15 d'ochobre de 2011.
Categoría:Wikipedia:Mantenimientu:Persones ensin plantía NF Categoría:Políticos y polítiques de les Islles Baleares Categoría:Políticos y polítiques del Partíu Socialista Obreru Español