Conacri (tamién Conakry o Konakry, n'alinké Kɔnakiri) ye la capital de Guinea. La ciudá ye un puertu sobre l'océanu Atlánticu y tien una población de .
Historia Conacri desenvolvióse sobre la islla Balto nel estremu de la península de Kaloum, a la que s'atopa xunida na actualidá por un ismu. Conacri foi fundada dempués de que los británicos dexaren la islla a Francia nel añu de 1887. Convirtióse en capital de la Guinea Francesa alredor del añu 1904 y espolletó como puertu pola esportación sobre manera cuando entró en funcionamientu la vía ferrial -güei día clausurada- que la xunía a Kankan.
Organización Güei la ciudá estendióse a lo llargo de la península, formando cinco distritos principales. Partiendo de la punta de la península estos son: Kaloum (el centru de la ciudá) Dixinn qu'agospia a la Universidá de Conakri tamién conocida como Institutu Politéunicu de Conacri, y munches embaxaes) Ratoma que destaca pola so vida nocherniega Matam Matoto, onde s'atopa'l Aeropuertu Gbessia.
Turismu thumb|Palaciu del Pueblu. Ente les atraiciones de la ciudá atopen el Muséu Nacional de Guinea, diversos mercaos, el Palais du Peuple, la Gran Mezquita de Conacri, y la vida nocherniega de les islles de Los y los sos xardinos botánicos.
El sistema de numberación de les cais de Conakri etiqueta toles cais con KA, siguíu d'un númberu de trés cifres: impar pa les cais empobinaes en direición norte-sur, par pa les que tienen direición este oeste (por casu KA002).
Economía Conacri ye la ciudá más grande de Guinea y el so centru alministrativu, económicu y de comunicaciones. La economía de la ciudá xira redolada al puertu, dotáu de modernes estructures pal tráficu de mercancíes y almacenes, al traviés del cual espórtase, sobre manera aluminiu y bananes. La industria prevalente ye la alimentaria y l'automovilística.
Ver tamién
Referencies
Enllaces esternos
Categoría:Llocalidaes de Guinea