Chloe Angeline Stickney Hall foi una sufraxista, abolicionista y matemática d'Estaos Xuníos. Tuvo casada col astrónomu Asaph Hall. Nun usó'l so primer nome y foi conocida como Angeline Stickney Hall. Yera fía de Theophilus Stickney y Electa Cook.
Anque yera probe, pudo dir al Central College de McGraw (Nueva York) con ayuda de la so hermana Ruth. Estudió ciencies y matemátiques, faciendo trabayos en cálculu y matemática astronómica. El Central College yera una universidá progresista onde los estudiantes con recursos modestos, incluyendo muyeres y afroamericanos llibres, podíen llograr un grau universitariu. Foi entós cuando s'entusiasmó poles causes del sufraxu femenín y l'abolición de la esclavitú.
Angeline Stickney y Asaph Hall conociéronse nel Central College. Stickney yera dos años mayor que Hall. Foi la so profesora de xeometría y alemán. Mientres los sos díes xuntos como profesora y estudiante, Hall y el so compañeru de clase plantegáben-y cuestiones y problemes, convencíos de que Stickney nun podría solucionar, pero nunca fracasó nesta xera.
Stickney y Hall casáronse n'Elkhorn (Wisconsin) el 31 de marzu de 1856. Darréu dempués de la boda, la pareya treslladóse a Ann Arbor por que Hall pudiera siguir cola so formación. Tres meses más tarde treslladáronse a Shalersville (Ohio). miniaturadeimagen|La residencia Stickney nel barriu de Georgetown de Washington, D.C. Stickney animó a Hall a siguir na so busca de satélites de Marte cuando esti tuvo a puntu de cesar na so xera, afayando finalmente Fobos y Deimos. El cráter más grande de Fobos, el cráter Stickney, foi nomáu nel so honor.
Los cuatro fíos del matrimoniu foron educaos nel so llar y toos ellos terminaron estudiando na Universidá de Harvard. El so tercer fíu, Angelo Hall, foi ministru unitariu y escribió la so biografía. El so fíu mayor, Asaph Hall Jr., nació'l 6 d'ochobre de 1859 y foi direutor del Observatoriu Detroit ente 1892 y 1905. Los sos otros fíos foron Samuel (segundu fíu) y Percival (cuartu fíu); Percival Hall (1872–1953) foi'l segundu presidente de la Universidá Gallaudet, ente 1910 y 1946 (Percival sicasí nun yera sordu).
Llibros Angelo Hall. An Astronomer's Wife: The Biography of Angeline Hall. Baltimore: Nunn & Company, 1908. (Esti llibru atópase en dominiu públicu nos Estaos Xuníos; una copia completa escaniada puede atopase n'archive.org.)
Referencies
Enllaces esternos Descendientes de Richard Hutchinson de Arnold, Nottinghamshire, Inglaterra
Categoría:Abolicionistes Categoría:Sufraxistes d'Estaos Xuníos Categoría:Matemáticos y matemátiques Categoría:Matemáticos y matemátiques d'Estaos Xuníos