Adrián Barbón Rodríguez ye un abogáu y políticu asturianu, secretariu xeneral de la Federación Socialista Asturiana dende setiembre de 2017 y presidente d'Asturies dende'l 15 de xunetu de 2019.
Biografía Foi conceyal nel Ayuntamientu de Llaviana dende 2003 hasta 2018. Tamién foi alcalde d'esti conceyu en 2008.
Foi diputáu nel Congresu de los Diputaos por Asturies un mes, al final de la X Llexislatura.
Estudió nel Colexu San José de Sotrondio y nel IES David Vázquez Martínez de Llaviana. Nel añu 2002 llicencióse en Derechu na Universidá d'Uviéu. Barbón estudió, amás, un Máster en Lideralgu.Perfil d'Adrián Barbón na páxina web del Congresu de los Diputaos (Setiembre-Ochobre de 2015)
En setiembre de 2017 foi escoyíu secretariu xeneral de la FSA-PSOE. Foi candidatu a les eleiciones a la Xunta Xeneral del Principáu d'Asturies de 2019 llogrando más representación pal so partíu que nes eleicioneses anteriores. Foi escoyíu parllamentariu na Xunta Xeneral del Principáu d'Asturies.
El 15 de xunetu de 2019 foi investíu presidente d'Asturies en segunda votación al nun llograr la cantidá necesaria'l 12 de xunetu de 2019. Tuvo'l sofitu d'Izquierda Xunidahttps://sedemovil.asturias.es/portal/site/Asturias/menuitem.1003733838db7342ebc4e191100000f7/?vgnextoid=d7d79d16b61ee010VgnVCM1000000100007fRCRD&fecha=17/07/2019&refArticulo=2019-07831&i18n.http.lang=es.
El 17 d'avientu de 2021 tuvieron qu'ingresalo nel HUCA dempués de dar positivu por COVID-19. Mientres tanto, el so vicepresidente nel Gobiernu, Juan Cofiño, asumió les funciones de presidente interín .
Referencies
Enllaces esternos
Categoría:Políticos y polítiques d'Asturies Categoría:Políticos y polítiques del Partíu Socialista Obreru Español Categoría:Presidentes del Principáu d'Asturies Categoría:Persones de Llaviana Categoría:Alumnáu de la Universidá d'Uviéu