El castiellu de Guanga yera una fortaleza española na Sierra de Guanga, nel conceyu de Santo Adriano (Asturies), dominando'l valle del ríu Trubia cerca de la so confluencia col ríu Nalón y los accesos a Uviéu. Anguaño nun queden restos del castiellu.
Historia Anque se-y atribúi un orixe visigodu, venceyáu al rei Wamba, y el llugar figura en documentación del sieglu IX, la primera referencia a un castiellu en Guanga vencéyase al notable conde rebalbu Gonzalo Peláez, que se fixo col gobiernu de bona parte d'Asturies nel reináu d'Urraca I de Lleón, incluyendo la tenencia de los castiellos d'Alba de Quirós, y Proaza. Conoció los avatares de la guerra mientres l'enfrentamientu del conde col rei Alfonsu VII de Lleón, ente 1132 y 1138. El rei llegó a sitiar al conde nel castiellu, esixendo la so rindición, pero en cuenta de ello realizó una salida que desbandó a les tropes reales, matando'l caballu del propiu monarca.
El castiellu foi donáu por Alfonsu IX de Lleón, xunto con otres munches fortaleces, a la so esposa Berenguela de Castiella, y pol Tratáu de Cabreros (1206) pasó al so fíu Fernandu III de Castiella. Nel sieglu XIV integróse nos dominios de los Bernaldo de Quirós.
Bibliografía
Referencies
Enllaces esternos
Guanga Categoría:Santo Adriano