Solingen ye una ciudá d'Alemaña (), integrada nel sector alministrativu de Düsseldorf, en Renania del Norte-Westfalia, y asitiada na redoma de Wuppertal y Remscheid. Ocupa un área de 89,45 km² y cuenta con 164.543 habitantes (avientu de 2003). Conocida internacionalmente pola calidá de les sos aceros, son bien famosos los cuchiellos, navayes y tisories que se fabriquen equí.
A Soligen conózse-y de cutiu como "la ciudá de los cuchiellos y navayes" o "ciudá con alma d'aceru", yá que a lo llargo del tiempu reconocióse-y pola so excelencia na fabricación d'espaes, cuchiellos, tisories y navayes d'afaitar de grandes firmes como DOVO Solingen, Böker, Wüsthof, J.A. Henckels, Böker, Eickhorn Solingen, ente munches otres. Wilkinson Sword tamién tien basada la so fabricación en Solingen.
En tiempos medievales, los espaderos de Solingen acuñaron la so imaxe al pueblu y caltúvose hasta los nuesos díes. En Solingen fabríquense'l 90 % de los cuchiellos y navayes d'Alemaña.
Historia thumb|left|200px|Navaya d'afaitar con decoraciones d'oru real fabricada en Solingen. thumb|left|200px|Monedes de necesidá de Solingen. Solingen foi mentada per primer vegada nel añu 1067, por un cronista que llamó al área: "Solonchon". Les primeres variaciones del nome fueron "Solengen", "Solungen" y "Soleggen". Sicasí, el nome actual paez tar dende finales del sieglu XIV y principios del sieglu XV.
Foi'l llugar de forxadores de fierro dende hai 2000 años, amestándo-y fama a Solingen como un centru de ferrería nel norte d'Europa. Les espaes de Solingen fixéronse presentes nos reinos anglo-saxones y les islles britániques. El norte d'Europa túvo-y gran estima al armamentu fabricáu en Solingen, que foi comercializáu al traviés de tol continente. Anguaño, Solingen sigue siendo la capital de la cuchillería alemana.
Barrios La ciudá tien 5 barrios: Gräfrath Wald (Solingen-)Mitte Ohligs/Aufderhöhe/Merscheid Höhscheid/Burg
Política Ciudaes hermanes Solingen tien les siguientes ciudaes hermanes: border|20pxZłotoryja (Goldberg) en Polonia, dende 1955border|20pxGouda nos Países Baxos, dende 1957border|20pxChalon-sur-Saône en Francia, dende 1960border|20pxBlyth en Reinu Xuníu, dende 1962border|20pxJinotega en Nicaragua, dende 1985border|20pxNess Ziona n'Israel, dende 1986border|20pxThiès en Senegal, dende 1990border|20pxAue en Sachsen, dende 1990border|20pxConcepción del Uruguay n'Arxentina, dende 2005
Ver tamién Navaya d'afaitar
Referencies
"Amtliche Bevölkerungszahlen" (in German). Landesbetrieb Information und Technik NRW. 31 December 2010. https://web.archive.org/web/20110928045301/http://www.it.nrw.de/statistik/a/daten/amtlichebevoelkerungszahlen/index.html. Bevölkerung im Regierungsbezirk Detmold". Landesbetrieb Information und Technik NRW. https://web.archive.org/web/20100325160152/http://www.it.nrw.de/statistik/a/daten/amtlichebevoelkerungszahlen/rp7_juni09.html. Retrieved 22 April 2010. Groneck, Christoph; Lohkemper, Paul (2007). Wuppertal Schwebebahn Album. Berlin: Robert Schwandl. páxs. 58–61.
Enllaces esternos
site listing solinger knives (cuchiellos de Solingen)
Categoría:Llocalidaes de Renania del Norte-Westfalia Categoría:Lliga Hanseática