Kazakstán Occidental (kazaquistanín: Батыс Қазақстан облысы/Batıs Qazaqstan oblısı/باتىس قازاقستان وبلىسى (en grafíes cirílica, llatina y árabe) respeutivamente, rusu: Западно-Казахстанская область, treslliteráu como Zapadno-Kazajstanskaya óblast) ye una de les catorce provincies que, xunto coles tres ciudaes independientes, conformen la República de Kazakstán. La so capital ye Oral. Ta allugada nel estremu noroeste del país, llindando al oeste y norte con Rusia, al este con Aktobé y al sur con Atirau. La so mayoría poblacional ye eslava.
Según estimaciones oficiales de l'Axencia d'Estadístiques de Kazakstán, tenía una población d'unos 602.000 habs. al 1 de xineru de 2003, amontada llevemente a 615 000 habs. a principios de 2008.Kazakstán nel sitiu Citypopulation. La so capital ye Oral (tamién conocida como Uralsk y Ural'sk), una ciudá d'unos 200 000 habs. La provincia parte con Rusia y ta cerca de los monte Urales. El ríu Ural naz en Rusia, depués traviesa la provincia y sigue el so cursu escontra'l mar Caspiu. La provincia tien la distinción de tar parte n'Europa y parte n'Asia.
Referencies
Enllaces esternos
Categoría:Provincies de Kazakstán