thumb|200px|O Bolo.
O Bolo (El Bollo en castellanu) ye un conceyu de la provincia d'Ourense en Galicia. Pertenez a la Comarca de Valdeorras.
Demografía La población ye de .
Historia La villa foi llamada na antigüedá Volobriga, y finales del sieglu XIV la villa perteneció al magnate Pedro Enríquez de Castiella, que yera nietu del rei Alfonsu XI de Castiella y tamién conde de Trastámara, Lemos, Sarria, Viana y O Bolo, condestable de Castiella, pertigueru mayor de Santiago y comendero mayor del obispáu de Mondoñedo y d'otros munchos monesterios gallegos. Y el conde Pedro yá apaecía nun documentu de mayu de 1372 expedíu na ciudá de Santiago de Compostela, y citáu por Eduardo Pardo de Guevara y Valdés, colos títulos de «conde de Trastámara, de Lemos y de Sarria, del Bollo y de Viana, y señor de Robreda y pertigueru mayor de Santiago».
Y a la muerte del conde Pedro Enríquez, que finó na ciudá d'Ourense el 2 de mayu de 1400, el so fíu Fadrique Enríquez de Castiella heredó los condaos de Trastámara y Lemos y el señoríu de Sarria, ente otros munchos, como señaló Franco Silva. Y tamién heredó'l títulu de conde de Viana y O Bolo y aportó a duque de Arjona, pertigueru mayor de Santiago y señor de Ponferrada y Villafranca de Valcárcel.
Pero en 1429 el duque Fadrique foi prindáu por orde del rei Xuan II de Castiella y desaposiáu de tolos sos títulos y posesiones, y morrió a finales de marzu de 1430 nel castiellu de Peñafiel con barruntos de ser asesináu por orde del rei Xuan II de Castiella, anque otros afirmen que morrió por causes naturales.
Patrimoniu Castiellu Hasta'l sieglu XVIII permaneció de pies una fortaleza construyida a finales del sieglu XV, y probablemente sobre otra anterior destruyida mientres la revuelta de los Irmandiños. Y cuntaba d'una ancha muralla circular jalonada de torrexones, cola torre d'Homenaxe, y con delles dependencies más.
Pero na actualidá del castiellu namái queda de pies la torre d'Homenaxe, que foi apocayá restaurada y ye de planta cuadrada y de 18 metros d'altor, según dellos restos de cubos y muralles de la sumida fortaleza.
Parroquies
O Bolo (Santa María) Buxán (Santa María) Cambela (Santa María) Celavente (San Xoán) Chandoiro (San Ramón) Chao de Castro (San Martiño) As Ermidas (Santa María) Fornelos (San Bartolomeu) Lentellais (San Simón) Paradela (San Sebastián) San Martiño (San Martiño) Santa Cruz (Santa Cruz) O Seixo (Santo Anxo) Teixido (San Marcos) Tuxe (San Pedro) Valdanta (Santa María) Vilaseco (San Donato) Xava (San Salvador)
Referencies
Bibliografía
Enllaces esternos
Facebook.
Categoría:Conceyos d'Ourense Categoría:Llocalidaes de la provincia d'Ourense Categoría:Wikipedia:Artículos con referencies a exónimos en castellán Categoría:Wikipedia:Mantenimientu:Llocalidaes d'España ensin partíu xudicial