Peñaranda de Duero ye un conceyu asitiáu nel sur de la provincia de Burgos y a dieciocho quilómetros d'Aranda de Duero. Na actualidá,pertenez-y el barriu de Casanova, asitiáu a dos quilómetros de la llocalidá.
Demografía El 1 de xineru de 2010 la población del conceyu xubía a 587 habitantes, 301 homes y 286 muyeres.
Historia Les sos tierres fueron poblaes por arévacos y vasconos. Nel sieglu X ye reconquistada a los musulmanes y el so castiellu fai de frontera coles huestes musulmanes al otru llau del ríu Duero. Nel sieglu XI se la cita como parte del distritu de Clunia. Darréu, va formar parte del de San Esteban Gormaz. Fueron señores de la villa, socesivamente, l'infante Don Pedro, fíu de Sancho IV, y la so esposa, Doña María d'Aragón, pa pasar mientres el reináu d'Alfonsu XI a manes de la Casa d'Avellaneda. Tres el matrimoniu de Aldonza d'Avellaneda con Diego López de Zúñiga nel sieglu XV, que xunía los dos llinaxes, los sos descendientes van ostentar el títulu de Duques de Peñaranda. Monumentos thumb|200px|Plaza col castiellu al fondu.
Castiellu: Orixinal del sieglu X, construyíu por cuenta de la repoblación, con Fernán González; foi reformáu dafechu nel sieglu XV. Llevántase airosu vixilando la villa; la torre del homenaxe inmutable destaca sobre los restos de muralla. Dende l'altor hai una magnífica vista del caserío sobre'l que se llevanta pimpanu la figura de la ilesia Santa Ana; y, al fondu, de la vega del Arandilla. Foi declaráu Bien d'Interés Cultural na categoría de Monumentu el 3 de xunu de 1931.
Muralla: Caltiénense dos de les tres puertes de la muralla que se construyó nel sieglu XV.
Palaciu de los Condes de Miranda, o d'Avellaneda: Construyíu nel sieglu XVI por encargu de don Francisco de Zúñiga Ablanéu y Velasco, tercer conde de Miranda del Castañar, nél pudo trabayar Francisco de Colonia. La portada lluz l'escudu de los Zúñiga ente tenantes y nel so interior, trespasando'l zaguán d'entrada, ábrese un elegante patiu señorial con galería doble, dende'l que s'apuerta a les habitaciones nobles bellamente decoraes con arrogantes artesonados. Nel Salón d'Embaxadores preside una elegante chimenea de estucos y destaca ende pola so orixinalidá una galería pa los músicos. Vecina al palaciu preside, nel centru, la plaza una picota o rollu xurisdiccional d'elegantes llinies gótiques. Foi declaráu Bien d'Interés Cultural na categoría de Monumentu el 3 de xunu de 1931.
200px|thumb|center|Palaciu de los Condes de Miranda o Palaciu d'Avellaneda.
Ilesia: Ex Colexata de Santa Ana, empezada en 1540 presenta portada barroca, nel interior retablu neoclásicu presenta n'alturrelieve a la santa titular, obra d'Alfonso Bergaz y coru talláu en nozal. Na so portada cuenta con tres bustos romanos de Clunia.
Conventu: De San José del Carmen, foi llevantáu nel sieglu XVI.
Botica: Farmacia de los Jimeno del sieglu XVII que cunta con muséu. Anguaño sigue en funcionamientu, ye una de les más antigües d'España. Foi declarada Bien d'Interés Cultural na categoría de Monumentu el 20 de marzu de 2007.Ministeriu de Cultura. Patrimoniu Históricu.
Rollu. Foi declaráu Bien d'Interés Cultural na categoría de Monumentu el 3 de xunu de 1931.
150px|thumb|center|Rollu de xurisdicción na plaza mayor.
Ermita de la Virxe de los Remedios
Ver tamién
Bienes d'interés cultural de la provincia de Burgos Conceyos de la provincia de Burgos Provincia de Burgos
Referencies
Enllaces esternos
Categoría:Peñaranda de Duero Categoría:Conceyos de Burgos Categoría:Wikipedia:Mantenimientu:Llocalidaes d'España ensin partíu xudicial