Claude Pompidou, de soltera Claude Jacqueline Cahour , yera la vilba del antiguu presidente de la República Francesa Georges Pompidou y por esa razón foi la que recibió per segunda vegada'l títulu non oficial de Primer Dama de Francia na Quinta república, ente 1969 y 1974, fecha na que finó'l presidente Pompidou. Presidió mientres más de 30 años la fundación que lleva'l so nome: la Fundación Claude Pompidou .
Fundación Claude Pompidou
Creada en 1970 a instancies de Claude Pompidou, la Fundación, a la que se reconoció como de "utilidá pública", tien como oxetivu ayudar a les persones mayores, a los enfermos hospitalizaos y a los neños discapacitaos. Desenvuelve'l so trabayu per mediu d'equipos de voluntarios que trabayen en toa Francia, tantu nos hospitales como nes cases de los neños discapacitaos. De manera paralela, la fundación constrúi y xestiona establecimientos especializaos nel terrén de la discapacidá y nel de les persones mayores. La Fundación dispón de quince estructures pa persones mayores y discapacitaes y de un llar pa neños con problemes sociales, que cunta con una escuela d'hostelería.
Referencies
Enllaces esternos
Categoría:Primeres dames de Francia