La Gobernación de Xerusalén (n'árabe: محافظة القدس) ye una de les 16 gobernaciones palestines asitiaes na porción central de la Ribera Occidental o Cixordania. L'Autoridá Palestina reinvidica que la so capital seya Xerusalén oriental (de 70 km² y ocupada por Israel dende 1967). La superficie total de la provincia ye de 331,6 km².
Según la Oficina Central Palestina d'Estadística, la provincia tenía una población de 429.500 habitantes en 2005, representando'l 10,5% de los habitantes árabes que viven en Palestina.
Política Xerusalén oriental ta sol control alministrativo y militar del Estáu d'Israel. Foi amestada per Israel mientres la Guerra de los Seis Díes en 1967, movimientu que nengún país del mundu reconoció y que foi condergáu pola resolución 478 del Conseyu de Seguridá de la ONX, que declaraba dicha anexón «una violación del derechu internacional» y ye «una seria torga pal llogru d'una paz completa, xusta y duradera nel Oriente Mediu». Sía que non, los residentes palestinos participen nes eleiciones de l'Autoridá Nacional Palestina votando per corréu. Mientres les eleiciones de 2006 pal Conseyu Llexislativu Palestín, Hamás ganó 4 escaños, ente que los candidatos de Fatah ganaron los otros dos escaños reservaos pa los cristianos. Los candidatos de Fatah fueron Imil Jarjoui y Ivivian Sabella.
Ciudaes Xerusalén Este Abu Dis al Azariyeh ar-Ram
Conceyos Biddu Beit 'Anan Bir Nabala Hizma Kafr Aqab Qatanna
Ver tamién Gobiernu y política de Palestina Xeografía de Palestina
Referencies
Xerusalen Xerusalen Gobernacion Categoría:Política de Xerusalén