Graciano Antuña Álvarez foi un históricu socialista asturianu.
Biografía Graciano Antuña nació en 1903 en L'Entregu daquella denomáu Ciañu-Santa Ana. De mui mozu ingresó nel Sindicatu de los Obreros Mineros d'Asturies (SOMA).
En 1932 foi escoyíu secretariu del SOMA y en xineru de 1934 presidente de la Federación Socialista Asturiana(FSA). En representación d'esta participó nos Conceyos que ficieron l'Alianza Obrera asturiana, compromisu firmáu por el, ente otros el 28 de marzu de 1934.
Graciano Antuña tuvo una destacada participación na Revolución de 1934 exiliándose en Francia tres la derrota. Incluyíu na candidatura del Frente Popular nes eleiciones de 1936, salió escoyíu diputáu al congresu. Tornando a Asturies cola victoria del Frente Popular.
Tres el llevantamientu de la guarnición d'Uviéu al mandu del Coronel Aranda'l 19 de xunetu de 1936 nun quixo, o nun pudo, salir de la ciudá. Na mañana del 20 de xunetu foi deteníu y lleváu a la cárcele modelu d'Uviéu. El 23 de marzu de 1937 foi conducíu a Ḷḷuarca onde lu fusilaron el 13 de mayu de 1937 delantre les tapies del cementeriu de la villa.
Referencies
Enllaces esternos
Categoría:Políticos y polítiques d'Asturies categoría:Socialistes d'Asturies Categoría:Sindicalistes d'Asturies Categoría:Diputaos y diputaes pola provincia d'Asturies Categoría:Políticos y polítiques del Partíu Socialista Obreru Español