La Nomenclatura de les Unidaes Territoriales Estadístiques de Portugal ye la división del territoriu portugués establecida dientro de la Nomenclatura de les Unidaes Territoriales Estadístiques (NUTS) de la Xunión Europea. La clasificación, xestionada por Eurostat, utilízase pa recopilar y armonizar estadístiques rexonales, realizar análisis socioeconómicos y definir determinaes polítiques rexonales de la Xunión Europea.
La clasificación NUTS establez trés niveles xerárquicos: NUTS 1 pa grandes rexones socioeconómiques, NUTS 2 pa rexones básiques utilizaes, ente otros ámbitos, nes polítiques rexonales, y NUTS 3 pa rexones más pequeñes destinaes a análisis específicos. La clasificación NUTS 2024, vixente dende'l 1 de xineru de 2024, introdució importantes cambeos na organización estadística de Portugal continental.
Portugal estremase en tres NUTS 1: Portugal Continental, la Rexón Autónoma de les Azores y la Rexón Autónoma de Madeira. El nivel NUTS 2 ta formáu por nueve rexones: siete nel continente —Norte, Algarve, Centru, Grande Lisboa, Península de Setúbal, Alentejo y Oeste e Vale do Tejo— y les dos rexones autónomes. El nivel NUTS 3 consta de 26 subrexones: 24 nel continente y les Azores y Madeira, que constitúin caúna una unidá NUTS 3.
Clasificación NUTS 2024
Clasificación NUTS 2024 NUTS 1 Códigu NUTS 2 Códigu NUTS 3 Códigu 150px|centerPortugal Continental PT1 150px|centerNorte PT11 | Alto Minho PT111 Cávado PT112 Ave PT119 Área Metropolitana do Porto PT11A Alto Tâmega e Barroso PT11B Tâmega e Sousa PT11C Douro PT11D Terras de Trás-os-Montes PT11E 150px|centerCentru PT19 | Região de Aveiro PT191 Região de Coimbra PT192 Região de Leiria PT193 Viseu Dão Lafões PT194 Beira Baixa PT195 Beiras e Serra da Estrela PT196 150px|centerGrande Lisboa PT1A Grande Lisboa PT1A0 Península de Setúbal PT1B Península de Setúbal PT1B0 150px|centerAlentejo PT1C | Alentejo Litoral PT1C1 Baixo Alentejo PT1C2 Alto Alentejo PT1C3 Alentejo Central PT1C4 Oeste e Vale do Tejo PT1D | Oeste PT1D1 Médio Tejo PT1D2 Lezíria do Tejo PT1D3 150px|centerAlgarve PT15 Algarve PT150 150px|centerRexón Autónoma de les Azores PT2 Azores PT20 Azores PT200 150px|centerRexón Autónoma de Madeira PT3 Madeira PT30 Madeira PT300
La reforma de 2024 modificó especialmente'l centru y l'área metropolitana de Lisboa. L'antigua NUTS 2 Centru perdió les subrexones Oeste y Médio Tejo, ente que l'antigua Área Metropolitana de Lisboa estremóse nes nueves NUTS 2 Grande Lisboa y Península de Setúbal. Al empar creóse la NUTS 2 Oeste e Vale do Tejo, formada poles NUTS 3 Oeste, Médio Tejo y Lezíria do Tejo. Tamién s'actualizaron dellos códigos: por exemplu, Centru pasó de PT16 a PT19, Grande Lisboa recibió'l códigu PT1A y Península de Setúbal el PT1B.
La clasificación contempla amás les unidaes Extra-Regio, utilizaes pa partes del territoriu económicu que nun pueden asignase a una rexón concreta: PTZ nel nivel NUTS 1, PTZZ nel NUTS 2 y PTZZZ nel NUTS 3.
Ver tamién
Organización territorial de Portugal Nomenclatura de les Unidaes Territoriales Estadístiques ISO 3166-2:PT
Referencies
Enllaces esternos
Nomenclatura NUTS n'Eurostat Mapes oficiales de les NUTS n'Eurostat
PT Categoría:Organización territorial de Portugal